Sesih mipuiin thlaktu awm lova Doctor sawn tur an dang

Aizawl | January 29, 2024: Sesih mipuiin thlaktu awm lova Doctor sawn tur an dang.

Sesih PHC Doctor chu a thlaktu awm lo a sawnchhuah a nih avangin, Sesih mipuite'n a chhuak tur an dang.

Sesih khua PHC a Doctor thawk lai Dr. Erik Zaukhnina chu Jan 25, 2024 khan Tipa PHC ah sawn a ni a, a aiawh tur dah a ni lo.

Hetiang a nih avang hian nimin lam khan Sesih khua a NGO te thukhawm chuan an Doctor chhuak tur hi dan nise an ti a, tukin atang khan Doctor hian Sesih a chhuahsan theih lohna turin an dang a, he an hmalakna hi Doctor sawnchhuahna order sut emaw, a aiawh dah a nih hma chuan tawp san an tum lo niin Sesih atanga thudawnna chuan a sawi.

Hemi chungchangah hian East Tuipui bialtu MLA Ramthanmawia pawhin hmala in, Health Miniser Lalrinpuii hnenah ziakin a thlen a, mipuite mamawhna a san em avangin transfer order sut turin a ngen.

East Tuipui MLA chuan kum 33 chuang Doctor nei lova an awm tawh thu a tarlang a, building pawh rawp tawh tak chu thawmṭhat mek a nih thu nen a tarlang bawk.