Mipui thinrimin P&E office tichhia

Lungdai January 28, 2024: Kolasib dist, Lungdai Power Deptt Office chu vawiin khan mipui thinrim kalkhawm ten a bang leh thildang an tichhia.

Video:

Power Transformer a chhiat vanga chawlh kar hnih chhung tui an Pump thei tawh loh vanga thinrim mipui pungkhawmin P&E office hi an vawm chhia a ni.

"Tumah kan mawhphurhna a ni tih tum reng reng an awm lo," tiin mipui thinrim kalkhawmte chuan an sawi.

Doordarshan tarlan danin, Kawnpui, Lungdai, Serkhan, Nisapui, Lungmuat khua ten Sentlang Power Transformer a chhiat avangin chawlh kar hnih chhung tui an Pump thei tawh lo a; hei vang hian vawiin khan Lungdai leh a bul hnai mi thenkhat chu Sentlang Power Sub Station ah kalin lungawilohna an lan tir a; vawiin vek khan Power Minister  Pu F Rodingliana chuan Deptt hotute a hmunah tir nghalin, Kawnpui Sub Station atanga Power pe kual-in tui pump theih dan tur an ruahman nghal a; zanin atangin Tui pump theih nghal a nih rin a ni. 

Lungdai-ah hian SDO(Civil) Kawnpui leh SDPO Kolasib te an kal nghal a; mipui harsatna sutkian mek a nih dan te hrilhin lungawilohna lantir chhunzawm lo turin an ngen a ni.

#ddnewsmizoram