PATHIAN HMANGAIHNA CHU I DAWNG TAWP THEI LO VANG

Pathian Thutiam Mak

By Rick Warren 

— Jan 10, 2024

“An hnenah chatuana nunna ka pe a; kumkhuain an boral lo vang a, tuman ka kut ata mi chhuhsak hek lo vang.” Johana 10:28

Ka fate naupan deuh laiin Grand Canyon ah ka hruai a, nuam ti si hlau thawng siin an awm a. A tlangsang lam kan lawn chhoh laiin an kutah ka chelh a. An kut vawnna chu thlah an duh a, mahse ka thlah phallo - an pa ka nihna avangin ka hmangaih em a, ka thlah phallo a ni.

Pathian kut i vawn tawh hnuah pawh vawi tam talchhuah i tum maithei a ni, i rilru leh ngaihtuahna chu engang pawhin lo inthlak mahse, Pathian chu a nghet a, a fel a, a rinawm a ni. Kristian i nih hnu hi chuan vanram thlenga humhim che a tiam a ni.

Isuan, “An hnenah chatuana nunna ka pe a; kumkhuain an boral lo vang a, tuman ka kut ata mi chhuhsak hek lo vang.” (Johana 10:28).

Hetianga ka sawi hi vawi tam a awm tawh a, “Lalpa, tun dinhmunah chuan Isua zuitu ka nih hi a remchanglo a ni. Tlema han hawi thawven ve lawk ka duh a ni" Pathian chuan, “Min thlah chu i duh maithei e, mahse kei chuan ka thlah lo vang che. Ka kutah i awm tawh a, tuman min chhuhsak thei lo vang.”

Pathian kut chu engtiat chiaha lian nge nia i hriat? Pathian kut chu te viau ah i ngai em ni? Pathian kut chu universe ai pawhin a lian zawk a. A thlah phal lo vang che. Pathian hmangaihna chuan a thlah lo vang che.

I piangthar tawh a nih chuan, i piangthar lo leh thut thei lo vang. Chatuan nunna bu a i hming ziak tawh chu, Krista thisen reh thei tawh lo va ziak a ni a. Vawi khat chhandam i nih tawh chuan, chhandam i ni reng tawh ang.

I hmalam hun emaw kum engzat nge dam turin hun ila neih tih i in hre lo va. Engkim i hloh vek maithei a, nimahsela chhandamna chu i hloh ngai lo vang. Khawvel hi a lo danglam viau a nih pawhin, Pa hmangaihtu leh thil ṭha tia thawk rengtu i nei tih inhria ang che.

Inringtawk takin awm la, vawi khat lo vuan tawhtu che kut chuan a thlah tawh ngai lo vang che.

Ngaihtuah zui atan

* Engtiklai khan nge Pathian kut aṭanga talchhuah i tum han ngaihtuah teh. Engvangin nge talchhuah i tum?

* Engtiklai khan nge Pathian kut chuan himdam takin a chelh che nia i inhriat?

*  Bible ami eng thutiamin nge i chhandamna hi a bo theilo tih tichiang?

*Engpawh lo tisual mah la, Pathianin a hmangaih che*

Mihring kan ni a, kan tisual thei ṭheuh mai. Setana thangah awkin kan chhiar senloh kan tisual tawh. Nimahsela vawi tam lo tisual tawh mah la, chatuan atan vanah hmun i nei. A nghak che a, a sawm reng che. Chu sawmna chu a zau hle mai. Ring la pawm tawp mai rawh.

Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a  ni.

“Lalpa duh tak, misual ka ni tih ka inhria a, chuvang chuan i ngaihdamna ka dil a che. Isua Krista hi i Fapa a ni tih ka ring a. Ka sualna avangin a thi a, thihna hnehin i kai tho leh a ni tih ka hria e. Vawiin aṭang hian ka chhandamtuah ka pawm ta che a, i hnung zui turin ka inpeih e. Ka nun hruai la, i duhzawng ti turin min pui ang che.”

“Keima rawng bawl ai chuan dam chhunga i rawng bawl ka duh tawh a ni. Ka nun hi i tan ka hlan a, min chhandam tur leh i angchhunga minlo pawm ve turin ka dil a che. Isua hmingin ka dil a che. Amen

Isua pawm tura i ṭawngṭai thei a nih chuan, he email ah hian min lo hriattir la, min lo bia ang che Rick@PastorRick.com. Isua nena zinkawng i zawh ṭanna tura thil pawimawn a thlawnin ka pe dawn che nia.  

*[Lettu: Sangpuia]*