Aizawl | Jan 9, 2024: Mizo Zirlai Pawl (MZP) General Headquarters, Aizawl chuan vawiin ni 9th January, 2023 khan an President Pu H. Lalthianghlima hovin Parva III, Chamdur P leh Vaṭhuampui, Bangladesh aṭanga Mizo raltlante tlawhin tanpuina an hlan.
MZP hian raltlante tan hian Parva III-ah Blanket 30 leh Rs 2000 an hlan a, Chamdur P ah Rs 5000 leh Vaṭhuampui-ah Blanket 30 leh Rs 2000 an hlan an ni.
MZP hian raltlante harsatna tawh leh an mamawh hrang hrangte a hmunah an enfiah nghal bawk.
MZP President Pu H Lalthianghlima chuan, raltlan te chu thlamuang taka awm turin a chah a, khawtlang leh kohhran ah te inhmang tur leh theihtawp chhuah a intodelh tum tlat turin a chah bawk.
Parva III ah hian raltlan chhungkaw 41 awmin, mi 198 an awm a, Chamdur P ah raltlan chhungkaw 22 awmin, mi 127 an awm a, Vaṭhuampui ah raltlan chhungkaw 76 awmin, mi 350 an awm mek bawk a ni.
MZP hruaitute hi an tlawhna khuaa Khawtlang hruaitu te'n lo ṭawiawm in an khuaa zirna in lama an harsatna tawh hrang hrangte MZP hruaitute hnenah hian an lo thlen a ni.
Raltlan thilpek hlanna ah hian Pang Zirlai Pawl leh Hmar Students' Association hruaitute'n MZP hruaitute hi an tawiawm a ni.
.
Post a Comment
He post chungchanga i ngaihdan lo sawi ve rawh: