NUN I DUH CHUAN, I NUNNA PE CHHUAK RAWH

_Pathian Thutiam Mak_

By Rick Warren 

— Jan 9, 2024

“In hnathawh leh a hming chunga hmangaihna in lantir, mi thianghlimte rawng in lo bawl, tun thleng pawha in la bawl cheu chu theihnghilh turin Pathian chu mi fel lo a ni si lo va.” Hebrai 6:10 

Ni khat atan minute inzat ṭheuh pek kan ni a. Tum thuhmun kan nei a - Isua angtura ṭhanlen a ni.

Isua hi ṭawngkam khatin sawifiah dawn ila, hei hi a ni ang: mahni hmasiallohna hi. Chuvangin, i tan leh ka tan, nun pumpuiin a tum chu mahni hmasialloh leh mahni hmasialloh chhunzawm zel, a chhan chu mahni hmasiallohna chu hmangaihna a ni - Isua chu hmangaihna a ni si a.

Bible chuan, “In hnathawh leh a hming chunga hmangaihna in lantir, mi thianghlimte rawng in lo bawl, tun thleng pawha in la bawl cheu chu theihnghilh turin Pathian chu mi fel lo a ni si lo va.” Hebrai 6:10.

Vana kan lawmman dawn tur chu he leia kan thiltih ang zel hi a ni ang. Engtikniah emaw chuan Pathian hmaah kan la ding ṭheuh ang, heihi min zawt ang, “I dawn aṭang khan engnge i tih?” Hetianga chhan hi i duh em, “Pawisa ka peipunga, ka hna aṭanga ka chawlh hnu ah, ka thi”

Chung aia nasa zawk thawk tura duan i ni! Chutiang ai chuan, mahni hmasiallo leh mi dang leh Pathian ram tan nung ang che. Chutichuan hetiang hian Pathian hnenah i sawi thei ang, “Lalpa, ka pe vek e. Kutruakin ka awm e. Keimah leh ka neih zawng zawng hi Chanchin Ṭha tan ka pe e.”

I nuna thil ṭangkai tak i tihtheih chu pekchhuah hi a ni — i thil dawn aṭang chuan thilphal la, sum, i hun, theihna leh thil dangte pawh. Pathianin chiang takin a sawi a, thilphalna emaw rawngbawlna emaw a awmloh chuan, vanramah lawmman a awm lo vang. Chutiang chu he leia khawvel tawp hman i tum dan a ni em?

I chatuan hmun atan he leia i hun hi hmang ṭangkai rawh. Miten Isua an hriat theihnan hnathawk la, an nun awmzia hmuhchhuah tum la, puitlin lam an pan theihnan, rawngbawlna kawng khawvelah ah hian zawng ang che. 

I nun i pekchhuah chuan, nun awmzia i hrethiam ang, hlimna thar leh lawmna i nei ang. Nun tak tak chu i hmang ṭan thei ang.

Ngaihtuah zui atan

* I talent hmanga thilphal tih chu engnge a wmzia?

* Mi dangte tan engtin nge i inpekchhuah? Mi dangin Isua an hriat theihnan eng thil nge vawiin hian bul i ṭan ang?

* Mahni hmasiallo va hun leh sum senga rawngbawlna chu engvangin nge Pathian thutiam hriatreng nan a pawimawh?

*[Lettu: Sangpuia]*