Aizawl | Jan 17, 2024: Vawiin ni 17 January, 2024 (Nilaini) chhun dar 12 atang khan MZP huaihawtna hnuaiah, NIT Mizoram a Asst. Registrar hna lakah mimal induhsakna uchuak tak a awm avangin NIT Mizoram Convocation chu dodal a ni a.
Tlai dar 4:30 pm ah Berawtlang Tourist resort-ah MZP hruaitute leh NIT Board of Governor Chairman Shir Harshavardhan Neotia hoa NIT hotute Meeting a ni a. NIT Board of Governor Chairman-in, chhui (Investigation) an tiam avangin lungawi lohna lantir chu tihtawp a ni.
Hetiang hian resolution siam a ni:-
NIT Mizoram a hna lak leh thil dik lo tam tak awm hi, NIT Board of Governor Chairman Shri Harshavardhan Neotia-in chhui min tiam avangin leh Ministry of Education a hmalak min tiam avangin NIT Mizoram Convocation dodâlna chu tihtawp a ni a. Chairman hmalakna hi a tawp thlengin enzui a ni ang.
Vawiin chhun khan Mizoram Chief Minister Pu Laldohoma Zokhawsang kal tur chuan, NIT Mizoram Convocation dodâlna neia pungkhawm zirlaite a tlawh a. Chief Minister chuan, MZP hmalakna a thlawp tih sawiin, NIT Board of Governor Chairman pawh a lo sawipui tur thu leh hnalak dik lo hi cancel ngei a duh tih a sawi bawk.
.
Post a Comment
He post chungchanga i ngaihdan lo sawi ve rawh: