Aizawl | January 18, 2024: Health Minister Lalrinpuii chuan nimin khan Pu Mansukh Mandavya, Union Health Minister hmuin inkawmhona hun ṭha tak an nei.
Health Minister hian ZMC-in hma a sawn zel dan turte thlenin, Central sorkar chu theihtawpchhuahpui turin a ngen a. Sorkar tana a hautak lutuk dawn chuan Central sorkar kuta hlan mai ṭha ni-a an hriat thu a thlen bawk.
Union Health minister chuan Mizoram sorkar chu ṭha taka thawhpuia theihtawpa tanpui a inhuam thu sawiin, state sorkarin an kalpui chhunzawm theih nan a bik taka puihna 'special package' pek an nih tur thuin a chhang a ni. Health Minister hian Pu Lalduhoma, Chief Minister rawn nghalin, special package chu project te siam a, CM hova bawhzui nghal an tum a ni.
Health Minister hian Dr. Vinod K. Paul, Member NITI Aayog hmu nghalin Mizoram Health Sector leh Tourism bakah Resource moblization leh kawng dang hrang hranga hmasawnna an neih theih dan tur an sawi dun a. Mizoram sorkar hotute leh NITI Aayog member te'n hemi chungchang hi a bik taka meeting nei thuai turin an inthlah a ni.
Pi Lalrinpuii hian Dt. 16.1.24 khan Union Health Secretary kawmna a nei bawk a. Health Department officials te'n an tawiawm a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: