Mi tam takin nuihza siam nana an lo hman ṭhin Aizawl By-pass tunnel tihhlawhtlin a ni dawn ta hi a lawmawm takzet - MNF

Aizawl | Jan 8, 2024: MNF chuan vawiin khan thuchhuah siamin, "Mi tam takin nuihza siam aana an lo hman ṭhin Aizawl By-pass tunnel tihhlawhtlin a ni dawn ta hi a lawmawm takzet " an ti.

MNF chuan, "Chief Minister kal chhuak ta Pu Zoramthanga'n ngaihtuahna thui tak senga Mizote Jerusalem Aizawl khawpui tawt lutuk leh in ek beng tlurna hmun tiziaawm tura hun rei tak atanga ruahmanna a lo siam tawh Aizawl By-pass road tia kan hriat lar, Aizawl By-Pass Tunnel chu, ZPM sorkar hnuah BJP sorkarin a lo tipuitling dawn ta hi MNF chuan lawmman a ti hle a. Hei hi National Highways & Infrastructure Development Corporation Ltd., Ministry of Road Transport & Highways, GoI chuan a taka thawk turin Notice Inviting Bid a chhuah ta hial mai hi a lawmawm kan ti takzet a ni." an ti a.

"Bangladesh, Myanmar leh Manipur-a kan unau raltlante thlavang hauh kawngah na takin MNF kaihruai Sawrkar kha a pen a, Central lam duhdan pawh palzutin huai takin hma a la a nih kha. Khang thil thleng avangte kha a nih a rinawm a, hmasawnna kawnga Pu Zoramthanga kaihhruai hmalakna kha engemaw chen tihkhaihlak a ni a. Tunah BJP leh a sangawizawnpui ZPM ten sawrkarna an chan tak hnu ah MNF hmachhawp liantham chu a rah hmuh theihin alo awm chho zel dawn ta a ni." an ti bawk.

"Tawng umphalo tia ZPM-ten nuihza siam nana Pu Zoramthanga an lo hman nasat thin em em kha, tunah chuan an ministry hnuaiah a rah hmuh theihin  a lo awm chho ta hi, MNF chuan heng hna lo lang zel tur hi a tha thei ang bera kalpui turin Pu Duhoma kaihhruai sorkar a beiseiin, an hnathawh kal zel dante ngun takin a thlithlai reng dawn bawk a ni." tiin MNF chuan an tarlang bawk.

• • • • • • 

Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ