Aizawl | Jan 26, 2024: Vawiin ni 26 January, 2024 (Zirtawpni) zing dar 8 tangin Pu Lalbiakthanga Lawipu a cheng chuan, Manipur buaina chinfel vat a nih theih nan Manipur tlawh tura Prime Minister a ngenna in awmzia a neih loh avangin, India Republic Day denchhenin chaw neiin Vanapa Hall kawtah lungawi lohna a lantir.
Pu Lalbiakthanga chuan Manipur a chi leh chi inkara buaina chhuak chu central sawrkarin chinfel tumna tak tak a neiin a hre lo a, Prime Minister phei chuan a ngaihsak miah lo niin a hre bawk. Chuvangin, Manipur buaina chingfel thuai turin leh buaina hmun pawh tlawh turin ni 24 January, 2024 khan Prime Minister Pu Narendra Modi chu E-Mail hmangin lehkha a thawn a. Lehkhaah hian chaw nghei a tum thu pawh a ziak lang bawk.
A ngennain awmzia a neih loh avangin vawiin ni 26 January, 2024 India Republic Day-ah tak hian, chaw ngheiin lungawi lohna a lantir ta a ni. Chaw nghei hi zing dar 8 atanga tanin, tlai 3-ahah tih tawp a tum a ni.
.
Post a Comment
He post chungchanga i ngaihdan lo sawi ve rawh: