Aizawl | Jan 31, 2024: Lawngtlai District Students' Association (LDSA) hruaitute chuan nimin khan Raj Bhavan Aizawl ah Mizoram Governor Pu Hari Babu Kambhampati hmu in, Lawngtlai District chhunga Autonomous District council pahnih LADC leh CADC ah te, The Right of Children to Free and Compulsory Education (RTE) Act, 2009, hman a nih thuai theih nana hma la turin Governor hi an ngen.
LDSA chuan RTE Act 2009, chu Mizoram a ADC pathum zingah Mara Autonomous District Council chauhin an hman thu Governor hi hrilhin, zirna quality Lawngtlai District chhunga alo that theih nan leh zirna in hma a sawn a, zirtirtu quality zawk an awm theih nan RTE Act chu hman ngei a tul thu an sawi a.
LDSA chuan Sixth Schedule of the Indian Constitution a in ziak angin, parliament Act reng reng chu President of India in ziaka Mizoram chhunga autonomous district council ah te exception emaw modification asiam anihloh chuan anih anga hman tur a ni tih a inziak tih sawiin, Governor hi state constitutional Head anih anga Mizoram chhunga District council pahnih CADC leh LADC a RTE Act,2009, implement anih theih nana hma la turin an ngen nghal bawk.
Tin, LADC leh CADC ah NCTE norms mila Elementary Teacher recruitment rules te pawh siam anih theih nana hma la tur leh, a bik takin Elementary section zirtirtu atan ahniam berah Senior secondary pass leh trained teacher bakah Teacher eligibility test paltlang ngei lak an nih theih nana hma lak sak turin an ngen bawk.
Governor hian LDSA hruaitute thusawi hi ngun taka lo ngaihthlak sakin, LADC leh CADC chu lehkha a pek tur thu leh a tul anga hma alo lak sak tur thu alo hrilh a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: