KRISTA RILRU I PUT CHUAN, KHAWHARIN I AWM NGAI LO VANG

_I Nundan Thlirlet La_

*KRISTA RILRU I PUT CHUAN, KHAWHARIN I AWM NGAI LO VANG*

Rick Warren

Jan 17, 2024

"Nimahsela Pa ka hnenah a awm avangin mahni chauhvin ka awm si lo.”Johana 16:32

Krista rilru ang i put chuan Pathian chu i hnenah a awm ang.  

Isua nunah chu chu kan hmu a ni.  Pathian awmpuina zelin Isua a nung a, Pathian duhzawng angin a awm thin. Engang pawhin buai mahsela, a Pa hnenah chuan a awm zel a ni. Isuan, "Nimahsela Pa ka hnenah a awm avangin mahni chauhvin ka awm si lo,” a ti. Johana 16:32

Chuvangin khawhar lohna tha ber chu Isua ngaihtuahna tawmpui hi a ni. Krista rilru ang i neih ve chuan, amah angin hetiang hian i sawi thei ang, “Pa ka hnenah a awm tih ka hriat avangin mahni chauhvin ka awm lo.” I khua a lo har a, mal nia i inhriat chuan Krista rilru ang i pu lo va - Pathian ngaihsakna tawp lo chu ila tem ve lo tihna a ni.

Engtin nge Pathian ngaihsakna chu i dawn reng theih ang? Kawng khat awm chu tawngtaina in a ni. Isua kha nitin a tawngtai thin: “Isua chu thlalerahte a kal hrang a, a tawngtai thin a” Luka 5:16

He lai chang hi i ngaihtuah em Isua chu tawngtai turin a kalhrang thin tih hi? Krista rilru ang put ve i duh chuan a khat tawka tawngtai ringawt chu i thei lo vang. Isua chu khaihlak lo vin a tawngtai reng a ni.  A pa hnena awm chu hna hmasaberah a dah a ni. Chinthanah a neih a ni.

I thiltih lai te kalsanin i tawngtai ve em? Hetianga i tawngtai ziah chuan nilenga i hun hmante pawh a nuam zawkin i ring em? Isua ngei pawh tawngtai tura a relhruk thin chuan, keini phei chu tawngtai kan va ngai nasa dawn em!

Pathian nena inpawlna i neih loh chuan, Pathian thilpek pawh i hloh thin a ni. Pathian tana buai taka awm hi a duhzawng a ni chuang lo va. Amaherawh chu atana chawl meuh va i tawngtai thin chuan i hna pawh a tluang sawt zawk dawn a ni.

Tawngtaina chu a lang nghal dawn tihna a ni lo. Chawl lailawk meuhva i tawngtai thin chuan, engtiang chiahin nge malsawmna i dawn ang? I tawngtai chuan, Pathian Thlaravin in a siam chhan che hrilhnawn tur chein hun i pe tihna a ni. Chutichuan i rilru leh thinlung chuan eng nge pawimawh ber tih a ngaihtuah thei ang.

Isua Kristan tu nge anih tih leh eng nge a awmchhan a hrechiang a. Pathian chenchilhna a chang reng tih a hrechiang bawk. Krista rilru chu i neih ve chuan, chung chu i nei ve ang, Pathian chu i hnenah a awm tih i hre bawk ang.  

Ngaihtuah zui atan

*Nikhata tawngtaina hun insiam chuah hun a duh maithei a. Engtin nge i hun leh hmun chu tawngtaina tam zawk i neih theih nan i siamrem ang? 

* Krista rilru put i tum ve naah chatlak lo va tawngtaina neih i tum meknaah hian tu in nge rinawm takin pui thei ang che?

*Tawngtai chu hunbi neia insiam tur nge emaw rei tak daih tawngtai tur zawk? Engvang nge, eng nge a chhan?

*[Lettu: Sangpuia]*