Aizawl | Jan 16, 2024: Mizo Zirlai Pawl (MZP) General Headquarters, Aizawl chuan hna lak danah thil fel lo a awm avangin NIT Mizoram Convocation vawi 7na naktuk tlaia neih tur chu dodala dan an tum.
 |
| NIT Mizoram 6th Convocation |
Nimina MZP GHQ Meeting chuan NIT Mizoram hna lak dan dik lo chungchanga pawl hmalakna leh thlen chin chu uluk takin a ngaihtuah a. NIT a thawk tur Asst. Registrar hna lakah induhsakna uchuak tak leh thil felfai lo tam tak a awm tih a hria a. A rang thei ang bera cancel turin MZP chuan NIT thuneitute an phut a ni.
Mizo zirlaite leh lehkha thiam thalai hna zawng mekte inkarah inelna thianghlim tak a awm zel theih nan, he hna lak dan fello tak hi cancel thuai a nih loh chuan ni 17 January, 2024 a NIT Mizoram Convocation neih tur chu dodal (picketing) nise tiin nimin MZP meeting chuan a rel a ni. NIT Mizoram Asst. Registrar hna lak tawh cancel tur hian, Ministry of Education-ah pawh lehkha thawn nise tih a ni bawk.
Vawiin tlai khan MZP GHQ chuan thuchhuah siamin, NIT Mizoram Convocation 2024, Jan 17 tlai dar 5 a Art & culture Auditorium, Beraw tlanga neih tur dan tur chu chhun dar 12 aṭangin a hmunah awma dan an tum a ni.
MZP hi Hnam pual zirlai pawl hrang hrang leh College hrang hranga Students' Union te'n an thlawpna thu an chhuah a ni.
MZP ṭan chhan Document ṭhenkhatte:
.
Post a Comment
He post chungchanga i ngaihdan lo sawi ve rawh: