Minister Lalrinpuii'n a office luah lut

Aizawl, 11th December, 2023 : Vawiin khan Minister Pi Lalrinpuii chuan a pisa thar a luah lut a, a pasal Rev. Dr. K. Sapthanga leh tawiawmtu dang engemawzat neiin Rev. Dr. K. Thanzauva’n Pathian hnena lawmthu sawina leh hlanna hunserh an hmang.

Pi Lalrinpuii chuan Pathian leh mipuite duhsakna zarah thlan tlina a awm leh Cabinet Minister dinhmun pawimawh tak a luah chu lawmthu a sawi a. A mawhphurhnate chu Pathian tanpuinain sawrkar hnathawk leh mipui tawiawmna nen tha taka hlenchhuah theih a inbeisei thu a sawi a. A enkawl tur Department pathumte pawh dik leh langtlang taka, thawhhona tha nen, theihtawp chhuah a tum thu a sawi.

Pi Lalrinpuii hian Health & Family Welfare, Social Welfare & Tribal Affairs, Women & Child Development leh Tourism Department te a enkawl dawn a. Minister pisa thar hi MINECO old building first floor - Room no. 111 & 112 - ah a awm a ni.