Minister Dr Vanlalthana'n office thar luah lut

Aizawl, the 11th December, 2023: Mizoram Sawrkar thara Information & Public Relations (I&PR) Department, School Education Department, Higher & Technical Education (H&TE) Department, Taxation Department leh Information & Communication Technology (ICT) Department changtu Minister Dr. Vanlalthlana chuan vawiin chawhma khan a Pisa thar Mizoram New Capital Complex (MINECO) ah a luah lut. Minister pisa thar hi MINECO Old Building Ground Floor (Room no. 011 & 012) ah a awm a ni.

Hemi puala hun hmanah Minister Dr. Vanlalthlana chuan hun tawn mek chu ropui a tih thu sawiin, ram rawngbawl hna tawk thei tura Pathianin a hung chhuak chu ropui a tih thu a sawi a. Pisa luah luh huna Sawrkar lama a thawhpuite, Party mi leh sa leh chungkhat lainate nena hun hmanho a ni chu lawmawm a tih thu sawiin, hun kalzel turah an thlawpna leh finchhuahna a ngen nghal bawk.

He hunah hian Rev. Dr. Vanlalnghaka Ralte in hunserh hmangin Pisa thar leh thawktute hlanna hun a hmang a. Kalkhawmte atangin lawmpuina leh fuihna thusawi ngaihthlak a ni bawk.

He hunah hian Minister Dr. Vanlalthlana hi a nupui Pi Evelyn Lalhmangaihi, a nu leh pate, a enkawl Department hrang hranga Secretariat leh Directorate lama hotute, party atanga a thawhpuite leh a chhungte engemawzatin an tawiawm a ni.