Aizawl | Nov 1, 2023: Chhan hrang hrang avanga ṭhulh lailawk Tlawng Fest chu December 8 - 9 hian Kawmzawl Helipad hnuai, Pukpui, Lunglei-ah neih turin inbuatsaihna an kalpui mek.
Tlawng Fest Organising Committee thuchhuahin a tarlan dankn, Tuihna leh ramngaw humhalh kawngah te, Mizo nunphung chawisan leh Thalaite hmasawnna ngaihtuahin October 14-15, 2023 khan District Park, Lungleiah Tlawng Fest buatsaih a lo tum tawh, nnbuatsaihna engemawchen kalpui a nih hnuin rokhawlhna lian tak avangin he Tlawng Fest hi neih a rem ta lo va, chawpchilh taka thulh lailawk a ni.
Ads:
Tlawng Fest Organising Committee chuan Lunglei lamin kutpui an neih ve tur hi a zuzi mai phal lovin hun remchang hmasa bera buatsaih leh turin thutlukna a siam a. A hun atan December 8-9, 2023 ruat niin Kawmzawl Helipad hnuai, Pukpui ruatin, he hmunah ngei hian Tlawng Fest hi ropui taka buatsaih tumin inbuatsaihna an kalpui mup mup reng a ni.
He Tlawng Fest ah hian Beat Contest te, Model Ramp Show te, Carnival te, Cosplay te, Concert te bakah thil dang tam tak buatsaih an tum a. Entrepreneurs leh Sorkar Deptt te tan inphochhuahna tur Stalls buatsaih tum niin naupang tan pawh Childrens’ Corner buatsaih an tum bawk.
"Lungleiah hian Chapchar Kut bak festival a awm meuh lo va, hei vang hian Lunglei taka festival neih ve hi kan tuihalna a ni a, kumtin he festival hi huaihawt a nih theih nan Sorkarah pawh theihtawp chhuah mek a ni a. A hming hi Tlawng Fest tih a ni a, Mizorama lui pawimawh ber Tlawng hnar awmna hmun hi Lunglei anih avangin he hming hi phuah a ni. Tin, he Tlawng Fest hi thalaite hmasawnna atan te, Mizo culture văwn nunna kawngah te, tuihna, ramngaw leh nungcha humhalhna kawngahte zirtirna dawhkan atan hman a ni bawk ang" tiin a buatsaihtu lam chuan thuchhuah siamin an tarlang.
Tlawng Fest hi hlawhtling taka buatsaih tum niin inpuahchahna kalpui mek a ni a, Lunglei bakah khaw dang leh state pawn thlengin mi zawng zawng lo tel turin an sawm.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: