MSSC E-Sports Rising Cup 2023 zo fel; RIP Mizo Gaming an champion!

Aizawl | November 1, 2023: Mizoram a Esports tournament lian ber leh changtlung ber tia sawi MSSC ESPORTS RISING CUP 2023 chu October ni 30 zan khan Hawla Indoor Stadium, Republic Vengthlang ah khelh zawh a ni ta a. MSSC ESPORTS RISING CUP hmasa ber ah hian Rip Mizo Gaming te chu pakhatna niin champion nomawi an chawi.

Mizoram sawrkar hnuaia sport promote tu Mizoram State Sports Council leh Rip Mizo Gaming te tangkawp buatsaih MSSC ESPORTS RISING CUP 2023 hi October ni 30 chawhnu dar khat atang khan Hawla Indoor ah stadium ah khelh niin hetah hian team 17 ten hnehna nomawi chawi tumin theihtawp an chhuah a. A tawp a vannei ber leh champion nomawi chawi tu chu Rip Mizo Gaming te an ni ta a ni.

Ads:

Champion team Rip Mizo Gaming te hian pawisa fai cheng nuai khat leh citation bakah Champion nomawi an dawng bawk a ni. Rip Mizo Gaming te hian final match zawng zawng match 6 an khelh atang in overall points 80 hlawh chhuak in chicken dinner vawi hnih an nei bawk in MSSC ESPORTS RISING CUP champion nomawi an chawi ta a ni.

MSSC ESPORTS RISING CUP 2023 ah hian Team Flick te chu 1st Runner up niin an ni hian match 6 an khelh atang in overall points 66 an hmu a, chicken dinner erawh an nei lo thung a ni. Team Flick te hian pawisa fai cheng 50,000 leh citation an dawng bawk a ni.

2nd Runner up lawmawm hi he tournament khelh chhunga fans ngah em em mai leh most fans lawmman dawng tu OG Mizoram te niin an ni hian overall points 65 an hmu a, an chung chiah a awm Team Flick te point 1 lek a pha lo in chicken dinner vawikhat an nei a. OG Mizoram te hian pawisa fai cheng 25,000/- leh citation bakah most fans lawmman 5000/- an dawng bawk a ni.

MSSC ESPORTS RISING CUP 2023 Grand Final hi hmun khat (Lan Event) a khelh niin first session leh second session a then niin a hmun a en duh tan ticket hi mi pakhat tan 50/- zel niin ticket hi 500 siam niin an ticket siam zawng zawng hi first session ah hralh zawh nghak vek niin first session leh second session ah hian en tu mipui hall khat vek in an awm ve ve. A hmun a en theilo tan live a pekchhuah a ni.

MSSC ESPORTS RISING CUP hmasa ber closing function hi MSSC Secretary Pu John Tanpuia, MCS chuan khuallian niin a hman pui bawk a ni.