MLA inthlan 2023-ah vote sang ruk chuang tla tawh!

Aizawl | Nov 1, 2023: Mizoram Legislative Assembly, inthlan 2023 kalpui chhoh mek a ni a, vawiin tlai thleng khan vote 6,623 a tla tawh.

District hrang hrangah kum 80 chin chunglam leh Vohbikte tan mahni in lama vote thlak 'Home Voting' kalpui a ni a. Hemi bakah hian inthlan kaihhnawiha duty tur Polling personnel, Official dangte leh inthlan ni a essential service duty turte tan postal ballot hmangin Facilitation Centre-ahte vote thlak chhoh mek zel a ni bawk a; vawiin 01.11.2023 tlai dar 5:00 thleng khan Home voting 1,663 leh Facilitation Centre voting 4,960 atangin avaiin vote tla 6,623 a awm tawh a ni.

Mamit district-ah inthlan duty tur 463-in vote an thlak tawh a. Kolasib district-ah home voting-ah vote 138 leh inthlan duty tur vote 461; Aizawl district-ah home voting-ah vote 875 leh inthlan duty tur vote 779; Saitual district-ah home voting-ah vote 149 leh inthlan duty tur vote 321; Khawzawl district-ah home voting-ah vote 109 leh inthlan duty tur vote 119; Champhai district-ah home voting-ah vote 86 leh inthlan duty tur vote 368; Serchhip district-ah home voting-ah vote 168 leh inthlan duty tur vote 410; Hnahthial district-ah home voting-ah vote 23; Lunglei district-ah home voting-ah vote 64 leh inthlan duty tur vote 574; Lawngtlai district-ah home voting-ah vote 51 leh inthlan duty tur vote 897; Siaha district-ah inthlan duty tur vote 568 a tla tawh a ni.

 

District hrang hrangah Home Voting hmanga vote thlak leh Postal Ballot hmanga Facilitation Centre-a vote thlak hun hi a inang vek lova, hemi avang hian District hrang hrang atanga data dawn dan pawh a inkhairual thei rih lo a ni. 

Election puan ni October ni 9, 2023 atanga vawiin ni thlenga Model Code of Conduct bawhchhiatna hrang hrang thlengte avanga Enforcement Agency-te kaltlanga thil man tawh zat hlut zawng record chin chu Rs. 39,68,29,623/- a tling a ni. 

CEO Office, Mizoram hmalaknain vawiin chawhnu dar 1:00 khan Mizoram Legislative Assembly House Annexe Conference Hall-ah Addl. Chief Electoral Officer Pu H.Lianzela hovin Official-te tana Postal Ballot hmanga vote thlak dilna leh vote thlakna tur Pre-Polled Postal Ballot Paper inhlantawnna hun 'Exchange of Postal Ballot Papers' District hrang hrang 11 ten an nei bawk.

• • • • • • 

Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ