Aizawl | November 1, 2023: Mizoram Baptist Kohhran hnuaia ṭhalai pawl inthlunkhawmna, Mizoram Ṭhalai Kristian Pawl (MṬKP) chuan Mzzoram-ah rorelna dik a awm theih nan hma an la a, hemi atana video siam chu nizan khan tlangzarh a ni.
Mizoram ṬKP rorel vawi 69-na thu pass ‘Mizoramah tun aia rorelna dik a awm theih nan MṬKP-in hma la rawh se’ tih bawhzuina pakhat atana Awareness Video Clip pathum MṬKP-in a buatsaihte chu Ni 31.10.2023 (Thawhlehni) zan khan BCM Hall, Serkawn-ah BCM General Secretary, Rev. R. Lalbiakliana’n Pathian hnenah hlanin a tlangzarh.
He hun hi MṬKP Secretary Rev. F. Zorinkhuma’n kaihruaiin, Rev. R. Lalbiakliana, General Secretary, BCM chuan Video clip hlanna leh tlangzarhna hun a hmang a. Rbt. Joseph B. Zirsangzuala, Secretary MṬKP Media Cell in Rorelna dik chungchanga MṬKP leh Media Cell hmalakna tlangpui report a pe bawk.
Video Clip buatsaih tura MṬKP-in a sawm ṬKP Trinity Unit, Zobawk Secretary leh ṬKP Venghlun Unit, Lunglei Secretary -te hnen aṭangin Awarness Video an buatsaih dan report tawi ngaihthlak niin Tv. H. Lalruatkima. Fin.Secretary MṬKP kaihruaina hnuaiah Awareness Video Clip thlirhona neih a ni.
Heng Video clip tlangzarh tak te hi hi MṬKP aiawhin MṬKP Media Cell, ṬKP Trinity Unit, Zobawk North; ṬKP Venghlun Unit, Lunglei ten an buatsaih a ni.
Mizoram ṬKP chuan, ‘Mizoramah tun aia rorelna dik a awm theih nan MṬKP-in hma la rawh se’ tih thu bawhzui hian Ni 20th August, 2023(Pathianni) tlai khan Mizoram chhung leh pawna ṬKP memberten Chawnghei ṭawngṭaiin hun an lo hmang tawh a ni.
October ni 9 leh ni 10 khan MṬKP hruaitu te chuan Mizoram Political Party hrang hrang panga(5) te Headquarters tlawhin an hruaitute nena inkawmhona hun an neih bakah an tana ṭawngṭai sakna hun te an lo hmang tawh bawk a ni.
..
Post a Comment
He post chungchanga i ngaihdan lo sawi ve rawh: