Aizawl | Nov 2, 2023: Mizo National Youth Front Vice President Zodinpuia chuan, "ṭhalaite tan MNF a belh tlak," a ti a. "MNF sawrkar hnuaia hnalakah sawisel tur a awm lo," a ti bawk.
He thu hi vawiin chawhnu dar 2 khan Aizawl Press Club-ah thuthar thehdarhtute kawmin a sawi a, "Kum 2018 December ni 15 a MNF kaihhruai sawrkar lakluh a nih atangin Mizoram sawrkar hian hna thar tam tak a la tawh a, heng hnalakna ah te hian party induhsakna awm lovin a tling leh tlakte lak an ni thin. Tun kum 5 chhung a MNF sawrkar hnuaia hnalak ah sawisel tur a awm lo a ni." a ti.
MNF chu belh tlak leh hna lakah a felfai thu a hnuai ami ang hian a sawi.
Hei hian MNF chu sawrkar langtlang leh thianghlim, zirlai leh thalaite tan innghahna tlak sawrkar a nih zia a tarlang a, MNF hian party induhsak bikna awm hauh lovin sawrkar hnalakna a kalpui thin tih hi zirlai leh thalai zawng zawngten lo hria se kan duh a ni.
Mizoram sawrkar hnuaiah hian sawrkar hna latu pathum a awm a, chungte chu :
1) Mizoram Public Service Commission (MPSC)
2) Mizoram Subordinate Service Selection Board (MSSSB)
3) Departmental Promotion Committee (DPC) under Government Departments
MPSC hian Group A & Group B Gazetted chin hnalak (Direct recruitment) bakah heng hna a kaisanna (Limited Depatmental examination & Normal promotion) a buaipui a, MSSSB hian Group B Non-Gazetted chin hna lak (Direct recruitment) bakah heng hna a kaisanna (Limited Departmental Examination & normal promotion) a buaipui ve thung a, DPC hian Group C & D hna lak (Direct recruitment) leh kaisanna (normal promotion) a khawih bawk a ni. Hna lak reng reng hi a tih dan tur leh kalphung (Rules, Guidelines & Procedures) duan sa a awm a, chumi ang chuan heng Board/Committee pathumte hian hnalak an buaipui thin a ni.
MNF chuan zirlai leh thalaite hmakhua a ngaihtuah avangin June ni 10,2019 a Council of Minister thutkhawm ah MSSSB dinna tur hi a pawm a, MSSSB hian kum 2021 aṭangin Direct Recruitment exam a buatsaihṭan a, vawiin thlengin MSSSB in hnalak a kalpui tawhna ah sawiselna thawm a awm hriat a la nilo a, a tling leh tlakte chauh lak an ni thin. Hei hian MNF chu sawrkar langtlang leh thianghlim, zirlai leh thalaite tan in nghah ngamna sawrkar a nih zia a tarlang chiang hle a ni.
MSSSB hian a theih chinah Combined Advertisement chhuahin Combined Exam a buatsaih thin a (Eg: Combined UDC, Combined Graduate Level Exam, etc) Hetianga a hlawm a Advertisement chhuah hian hna zawng mek ṭhalaite Application Fee sen a ti tlem a, Combined exam a nih bawk avangin exam indawt chho zut kha a tlem phah a, nasa takin hun leh sum an seng tlem ta zawk a ni.
MSSSB hian a tlangpuiin Advertisement an chhuah aṭanga thla 5 ral hma hian exam an buatsaih hman deuh zel niin a lang a, hei hi thil lawmawm tak a ni. Tin, Objective Multiple Choice Question (MCQ) bikah exam ni aṭanga ni 2/3 vel ral hnuah Answer Key an tichhuak zel a, dik lo palh a awm thulh a complaint thehluh theihna hun chhung pawh mumal taka bituk a ni thin. Interview hmachawn tute remtihna (consent) an lak hnuah an written mark leh interview-a an hmuh zat kha an tlangzarh leh ṭhin a ni.
Tuna sawrkar kal mek ah hian MSSSB hian Direct recruitment-in mi 243, Limited Departmental Examination ah mi 288, Departmental Exam mi 216, Promotion mi 2906, Regularisation mi 122, Confirmation mi 1366, Conversion mi 47 leh Absorbtion mi 43, a vaiin mi 5231 lai an tihfel hman thawh a ni.
Hetiang bawk hian MPSC pawhin tun Ministry kal mek ah hian Post hrang hrang 81 atana hnathar lak hlawhtlingin takin an zo fel tawh a, heng hnalakna ah te hian sawisel tur a awm lo a ni. MPSC hian kumthar atang chuan Combined Examination hrang hrang – Mizoram Engineering Service, Mizoram Health Services, Annual Examination for Group ‘B’ (gazette) Posts leh Agriculture & Allied Services(technical) Examination te nei turin an inbuatsaih a, MPSC Evaluation and Scrutiny Guidelines-2022 leh MPSC (Examination) Guidelines, 2023 te peihfel a nih tawh bawk a ni.
MNF chuan Mizo thalaite hmasawnna hi ngaih pawimawh hmasak ah a neih avangin, thalaite ngaihtuah bik turin Mizoram Youth Commission (MYC) pawh kum 2008 April thla khan a din a, MYC kaltlang hian Mizo thalai sang tam takin rampawn thlengin hna an hmu tawh a, thalai hna zawng tana in nghahna, ‘INPUI’ ber a ni tawh a ni.
Mizo thalai Central Services leh All India Services a kan luh tam theihnan MNF sawrkar chuan theihtawp a chhuah bawk a, Mizo thalaite IAS Coaching pe in an senso zawng zawng a tumsak a, heng hi India ram state danga thil thleng zen zen lo a ni.
MNF sawrkar hmalakna avang hian Mizoram in hunrei tak a tawn tawhloh UPSC Main exam paltlangte kan awm leh ta a, Mizo mipui beisei ang ngei a hlawhtlinna kan chhan chhohzel pawh kan beisei a ni.
MNF hian ‘thalaite tan khawvel thar tha zawk’ siam turin nasa zawkin ke a pen chhunzawm zel dawn a, kum 2023 Mizoram inthlanpui ah sawrkarna a chan tuk atangin SEDP a sem chhunzawm leh dawn bak ah, thalaite pualin ‘Youth Oriented SEDP’ a ruahman a, hemi hnuai ah hian thalai mimal leh thianho mahni kutkawih a eizawnna kawng zawh duhtan sawrkarin tanpuina a pe dawn a ni.
Tin, hei bakah hian Mizo zirlai leh thalai zawng zawng ten lo hria se kan duh chu, Mizoram chhung a sawrkar hnalakna zawng zawng ah "Knowledge of Mizo Language upto Middle School Standard" dah a nih chhan hi Mizo thalaite sawrkar hna ah hnamdangin min chuhbuai theihlohna tura ruahman a ni a. India ram state dangin an neih ve loh siamchhuaktu chu MNF a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: