MZP-in Manipura remna awm theih nan hun hman tum; Zirlaite Scho la lut lo na taka nawr tum!

Aizawl | November 2, 2023: Mizo Zirlai Pawl (MZP) general headquarters chuan November 9 hian Manipur-ah remna leh muanna a awm theih nan hun hman tum. MZP hian, Tribal Scholarship Second installment la lut lo chungchanhah na taka nawr an rel bawk.

Vawiin ni 2nd November, 2023 (Ningani) chhun dar 12:00 hian MZP Conference Hall-ah Mizo Zirlai Pawl (MZP) Executive Meeting vawi - 624 (2023-2025 term a vawi 2)-na neih a ni a. NESO Demonstration chungchang, Tribal Scholarship chungchang, MZP Inter High School Quiz chungchang leh pawl chhung thil pawimawh tak takte rel a ni. Meeting hi Pu H.Lalthianghlima President in a kaihruai.

Meeting chuan, NESO Executive Council Meeting ni 31 October, 2023-a Guwahati a neihin a rel tawh angin, Manipur buaina chinfel thuai a nih theih nan— ‘Demonstration for Peace and Permanent Solution for Manipur' chu ni 9th November, 2023 hian North East state dangte rualin Aizawl-ah pawh neih ve ngei nise tih a ni.

Meeting chuan, Tribal Scholarship Second installment tun thlenga la sem loh chu, ni 3rd November, 2023 ral hma ngeia zirlaite Bank Account a luh loh chuan hma lak ngei ni se tia a lo sawi tawh chu, na taka nawr nise a ti a. Zirlaite dikna chanvo humhim anih theih nan hmalak zui zel nise tia rel a ni.

MZP Inter High School Quiz, kum 2010 atanga kumtin buatsaih thin chu, meeting chuan December thla chhung hian neih leh ngei ni se a ti a. School hrang hrangte lo inbuatsaiha tel theuh turin a sawm nghal bawk.