Mizoram MLA inthlan 2023 kal mekah vote sang sarih chuang tla tawh.

Aizawl | Nov 2, 2023: Mizoram MLA inthlan 2023 kalpui chhoh mekah vawikn tlai dar 5 thleng khan vote 7,671 a tla tawh a, heng zinga 1,998 hi kum upa lam, PwD leh natna vanga in lama vote thlakte niin, 5,673 hi postal ballot a ni.

District hrang hrangah kum 80 chin chunglam leh Vohbikte tan mahni in lama vote thlak 'Home Voting' kalpui a ni a. Hemi bakah hian inthlan kaihhnawiha duty tur Polling personnel, Official dangte leh inthlan ni a essential service duty turte tan postal ballot hmangin Facilitation Centre-ahte vote thlak chhoh mek a ni bawk a; hriat theih chinah ni 02.11.2023 tlai dar 5:00 thleng khan Home voting 1,998 leh Facilitation Centre voting 5,673 atangin avaiin vote tla 7,671 a awm tawh a ni.

Vote thlak den District wise report kimchang chu hetiang hi a ni;

District Home Voting for 80+ & PwD Postal Ballot for polling Personnel etc. Total

1. Mamit 0 463 463

2. Kolasib 138 461 599

3. Aizawl 875 779 1,654

4. Saitual 149 327 476

5. Khawzawl 109 142 251

6. Champhai 86 426 512

7. Serchhip 168 497 665

8. Hnahthial 50 74 124

9. Lunglei 189 925 1,114

10. Lawngtlai 81 983 1,064

11. Siaha 153 596 749

TOTAL 1,998 5,673 7,671

District hrang hrangah Home Voting hmanga vote thlak leh Postal Ballot hmanga Facilitation Centre-a vote thlak hun hi a inang vek lova, hemi avang hian District hrang hrang atanga data dawn dart pawh a inkhairual thei rih lo a ni.

Kan hma lawka inthlanpui General Election to the Legislative Assembly, 2023 nei tur State hrang hrang 5 (Mizoram, Chhattisgarh, Madhya Pradesh, Rajasthan leh Telangana) to bakah an thenawm State 12 a Sawrkar thuneitute leh Election official-te chu vawiin chawhnu dar 3 khan Video Conference kaltlangin Chief Election Commissioner (CEC) Pu Rajiv Kumar bakah Election Commissioner (EC) pahnih Pu Anup Chandra Pandey leh Pu Arun Goel ten an kawm a; he hun hi Chief Secretary Dr. Renu Sharma, IAS hovin CS Conference Hall aṭangin an zawm a ni.

Ads: