"𝗣𝗼𝗹𝗶𝘁𝗶𝗰𝘀 𝗵𝗶 𝗶𝗻𝗵𝘂𝗮𝘁𝗻𝗮 𝘁𝘂𝗿 𝗻𝗶 𝗹𝗼𝘃𝗶𝗻, 𝗵𝗺𝗮𝗻𝗴𝗮𝗶𝗵 tak𝗮 𝗶𝗻𝗸𝘂𝗮𝗵𝗸𝗵𝗮𝘄𝗺𝗻𝗮 𝘁𝘂𝗿 𝗮 𝗻𝗶,"

Aizawl | November 4, 2023: Tuivawl biala MNF Official Candidate Lalchhandama Ralte chuan vawiin khan Sakawrdai khua-ah hun hmangin, MNF ah mi thar 39 a lawmlut.

Tuivawl bialtu MLA leh Cabinet Minister nilai Lalchhandama Ralte chuan, "Politics hi inhmel huatna tur ni lovin, hmangaih taka kan inkuahkhawmna hmun tur a ni", a ti a. "Tuivawl bial hmasawnna turin ka theihna zawng zawng ka hlan tawh a, tunah chuan kan bial mipuite kutah ka innghat ve thung tawh a ni," a ti.

Chhantea chuan, "Tuivawl thalaite tan khawvel thar siam turin ke kan pen dawn a, khawtlang hmasawnna duh zawng zawngte chu political party kan nihna dahtha in thawhpui ah ka sawm che u a ni," a ti bawk.

Darlawn a hun hmanna-ah MNYF General Headquarters Vice President Zodinpuia pawhin thu sawiin, "MNF chu lungawilohna kulh bang chim pawhin a tih tliah zawh loh, 'Pathian leh kan ram tan', titu kan ni a, MNF hmangaihtu mi sang tam takin 'Pathian leh kan ram tan', tih nghet taka vuanin thlan khurah MNF an lo luhpui tawh a, Martar te thisenin a bual MNF ah kan rinawm tur a ni," a ti.

Mapuia chuan, MNF in sawrkarna a la leh ngei dawn tih sawiin, sawrkarna kan chan leh hunah pawh MNF chuan mahni tan ti hmasa lovin, hmeithai leh pachhia, rethei zawkte ngaihtuahna hmasakah kan nei tur a ni a, chu chu Pathian min duhdan pawh a ni, a ti bawk.

Ads: