Kolasib | November 29, 2023: Vawiin chawhnu khan Mizoram Legislative Assembly Inthlanpui, 2023-a vote tlate chhiar (counting) huna venhimna (security) lam felfai taka kalpui a nih theih nan Kolasib District Election Officer Pu John LT Sanga hovin Kolasib DC Conference Hall-ah ṭhut khawm buatsaih a ni.
He ṭhut khawmah hian vote chhiar nia security arrangement chungchangah felfai taka ruahmanna siam a ṭul thu tar lan a ni a. Security duty dah dan tur te, counting area huam chhunga lirthei hun dan tur te leh venhimna kalpui dan tur hrang hrang sawi ho a ni a. Counting Hall-ah cell phone ken luh a rem dawn loh avangin a lut turte tana phone dah khawmna hmun tur te ruahman a ni. Counting Hall-ah hian mobile phone hman phal a ni lo va, observer-te leh designated official-te tan chauh mobile phone hi ken luh theih a ni.
He hunah hian DIPRO leh media mi, Election Commission of India (ECI) aṭanga Authority Letter neite tan counting hall-a luh phal a nih thu tarlan niin, a ṭul anga video leh still thla lak chu DIPRO kutah dah a ni.
He hunah hian counting area huam chhunga Control Room awmna tur te, Media Centre leh Communication Centre awmna tur te sawi ho a ni bawk.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: