KAN HMANGAIHNA AVANGIN MIN LA HRIA ANG

 _Pathianin Bahlahnate Dinchhuahlehnaa A Chantir Dan_

By Rick Warren 

— Nov 07, 2023

“In inhmangaih chuan mi zawng zawngin ka zirtirte in ni tih chu miah chuan an hria ang” Johana 13:35

Kristian nihna lanchhuahna chu hmangaihna hi a ni. I khawsak dan aṭang ringawtin mi engzatin nge Kristian i ni tih hria che?

Hmangaihna chu hlain kan sa a, kan titipui a, kan ṭawngṭaipuia, kan zir zel bawk a ni. Mahse kan lantir thung em le? I nun bulpuia hmangaihna nei tur leh i tum bulpui bera nei tur chuan, he thu hi i chhiar zawh rualin i chetchhuah a ngai — hmangaihna chuan thiltih a nei!

I khawsak danah hmangaihna i neih theih nan heng hi i tih a ṭul a ni.

A hmasa berah chuan, inlaichinnaah hmangaihna lantirin bul ṭan rawh. Mi dang chungah hmangaihna nei lo ang maiin i khawsa tawh em? Inremna zawn hun a ni. I fate nen te, i kawppui te, i bialnu emaw bialpa emaw, i nu leh pa emaw, school emaw hna lama i thawhpuite nena inremna siam hun a ni.

Tichuan, mi dang nena inlaichinna pawh neih belh zel tum rawh. Nuna thil pawimawh ber chu hmangaihna a nih chuan, mi dang nena inlaichinna a tam thei ang bera siam chu kan mawhphurhna a ni. Engvang nge? A chhan chu khawvelin Pathian hmangaihna chu Kristiante inhmangaihtawnna dan aṭangin a hre thei ang — Kristian ten an kiang vela mite an hmangaih dan aṭangin an hre thei dawn a ni.

Sakhawmi tak angin hmangaihna i lantir thei lo a ni maithei. HUN tih hi han chhiar la. Mi dang hmangaih turin hun rei tak a duh a ni. I ṭhiante i hmangaih a nih chuan, an kiangah hun hmang rawh. I fate i hmangaih a nih chuan, an kiangah hun hmang rawh. Isua i hmangaih a nih chuan, a kiangah hun i hmang ve tho tur a ni.

Hmangaihna chuan hun leh tha a heh a. Nimahsela a hlu a ni.

Hetiang hian Kohhrana mite hian lantir thei ila eng nge lo thleng ang tih i ngaihtuah em — Mahni hmasial lo va hmangaihnaa kan hun leh nun kan lantir vek theih chuan miten Pathianin a hmangaihzia an tem thei ang a. Khawvel a thlak danglam ang. Pathian Ram a ṭhantir ang a. Chu chuan Pathian a tilawm ang.

Thlem ngai lovin Krista lamah mi a hip tawh ang a. Pathian hmangaihna amah zuitute hnena lang chu an hmu dawn a ni. Engnge kan ngaih pawimawh tih an hriat hma chu engnge kan hriat tih pawh an ngaipawimawh lo vang..

Ngaihtuah zui atan

* Isua zuitu ni lo te hnenah engtin nge anmahni i hneh theih nan hmangaihna i lantir ang?

* Tu nen nge hmangaihna inremna i neih a ṭul? Engtin nge bul i ṭan ang?

* Inlaichinna ṭha leh thuk zawk nei turin engin nge dal che?

*Sual mah ila Pathianin min hmangaih a ni.* Min hmangaih em avangin Fapa Isua chu Krawsah a tuartir a ni. Isua chu, kan sualna leh kan fel lohnate tleng fai turin Pathian chhungte hnenah a rawn hruai a ni.

Pathian hmangaihna hi i la pawm ve ngai lo a nih chuan, Isua chu i thinlunga lo lut turin sawm la, vanneihna chu chang ve turin ka duh che a ni. Hetiang hian ṭawngṭai la: “Lalpa, engmah ka hrethiam lo, mahse min hmangaih avangin ka lawm e. Ka tana i awm avang leh Isua chu thiamloh min chantir tur ni lo vin, min chhandam tur zawka krawsa kan sual man bat tlak tura thi tura i rawn tirh avang zawkin. Vawiinah hian Chhandamtu atan Isua ka mamawh tih ka pawm a, ka thinlunga Isua lo cheng turin ka sawm a. Isua nena inlaichinna neih ka duh a. Amah zui ka duha, ti tura min tih apiangte ti turin ka inpeih a ni.

" Aw Lalpa, Ka nunhlui sualna, inchhirna, tihsual, sualna, chindan ṭha lo, natna leh thil ṭha lo zawng zawng laka min chhandam turin ka ngen che a. Chhan neiin min siam la. He leiah hian engvanga min dah nge i nih tih min zirtir la. Ti tura min tih chu tih puitlin ka duh bawk a. Nangmah hmangaih leh rin zir ka duh a, chatuanin i angchhunga awm ka duh a ni. Isua hmingin ka dil e.”

Isua pawm tura i inpeih a nih chuan, hetah hian email lo thawn la Rick@PastorRick.com. I zinkawng chu Isua nena i zawh ṭan theihna turin i mamawh tur material a thlawnin ka lo thawn dawn che a ni.

*[Lettu: Sangpuia]*