Hmeichhe pakhat a pasalin vithlum!?

Aizawl | Nov 27: Siaha district chunga Amobyuh CH (Maubawk) khua cheng, kum 60 mi B Remchhingpuii chu vawiin tlai thimhlim vel khan a pasal kum 51 mi N. Hnemsanga'n a vithlum nia thudawn a ni.

Pawikhawihtu nia puh, N Hnemsanga'n a nupui a vihna hmuamhma ni ngeia lang atanga a lan danin a chemte hman a lian angreng viau nia sawiin, a nupui a vih hnu chuan tlan chhuak nghalin Police kutah a inpe niin Zabilianz chuan tarlang bawk.

Zabilianz in tarlan danin, B Remchhingpuii leh a pasal N. Hnemsanga te hian fa an nei lo niin tarlan a ni a. Vawiin tlai khan an inhnial buai deuh a, an inhnial chhan tak erawh chiang taka sawi theih a ni lo. B Remchhingpuii Vawk chaw chhum vil lai chu a hnung lam atangin a pasal chuan a nak-ah a vit ta mai niin thudawnna chuan a sawi.

Siaha Police atanga thudawn danin pawikhawihtua puh N. Hnemsanga hi Police kutah a awm tawh a. He thil thlenga pawikhawihtu an umzuina lamah pawikhawihtua puh chu Police kutah a inpe niin an sawi.