Aizawl | November 4, 2022: MPCC President Lalsawta chuan, "BJP hian MNF hi chak tura a ngaih loh avangin ZPM nena thawhho an tum!" a ti.
He thu hi vawiin chhun dar 1 khan Aizawl Press Club-ah sawiin, "BJP hian India hmar chhak Kristian State te, Mizoram tiamin, Regional Party an nih angin a thawhpui vek a. Tunah hian MNF hi chak tura a ngaih loh avangin ZPM nena thawhho an tum tih hi AIR ni 28.10.2023 tlai lam thu tharah khan a chiang vek a ni." a ti a. "BJP hian Sakhaw zalenna a duh lo chauh ni lovin kan Kristian te ni serh, Christmas leh Pathianni te a namnul lui ngar ngar a, ram thima kan rawngbawlnaah kan Missionary te an chep ta hle a, FCRA hmangin min hrek mek bawk a. Chuvangin BJP thawhpui ngai lo tur Congress Party hi Mizoram mipui hian min thlang turin kan ngen a ni." a ti.
"Congress Party hi hun rei tak lo Sorkar tawh leh heng hun chhunga kan tih tur tih loh leh kan tih loh tur tih tam tak nei kan ni a. Zoram mipui min ngaihdam ka dil a. Tunah hian Congress Party hian mahni insiam tha tharin kumin inthlanah hian Sorkar kan tum," a ti bawk.
An sorkar chuan thil dang an tih tur tam tak karah a hnuaia Zoram mipui an tiamte a sawi tel:
(1) Thlei bik nei lo, Sorkar dik, eiruk awm lohna, hnathawk chak leh mipui tana chhawrnahawm kan siam ang
(1) Hriselna kawngah 'healthcare' tha zawk leh 'Health Insurance- cheng nuai 15 thleng' kan siam ang.
(3) Sorkar hnathawk tetan leh Sorkar ngei tan pawh a that zawk avangin OID PENSION SCHEME (OPS) hi hman leh kan tum a ni.
(4) CSS hmanga rawih tam tak, ALL MIZORAM CSS Employees Coordination Committee te harsatna pawh hi chinfelsak vek kan tum ang.
(5) Loneitu, kuthnathawk, thalai leh kawng hrang hranga hna thawk mek te tan eizawnna ngelnghet an neih theih nan 'TANG PUIHNA' hi kan buatsaih dawn a ni.
(6) Chhungkaw harsa tam tak tan 'subsidized Gas' bur khat Rs 750/- a lei theihn kan siam ang a, thla tin Electric Bill Unit 100/- chauh hmang chin te FREE in kan pe bawk dawn a ni.
(7) Hmeithai leh chhungkaw chawmtu hmeichhe tam tak te tan an pualin tanpuina kan buatsaih ang.
(8) 'TAR CHAWMNA' hi State sorkar sum hmang belhin thla tin Rs. 2,000/- dawng turin kan tipung ang.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: