Aizawl | October 13, 2023: Zo Ri-mawi International Charity Group chuan, a vawikhat nan Vohbik (Rualbanlo) te pual liau liau in, Reality Show ZRI Vohbik's Got Talent 2023 chu Nov 14 aṭangin a buatsaih dawn.
He Show a tel turte chuan, an thiam thil an pholanna video clip minute 1 chu hming, khua, veng, phone no. leh amah chauha a lakna thlalak pakhat nen a buatsaihtute ah thawn tur a ni.
ZRI President Pu Lalrozama Ralte chuan kan ramah intihsiakna ropui tak tak, buaisaih ani fo tawh thin a, nimahsela Vohbik(Rualbanlo) te lam kan hawi ngailo, an harsatnate leh Pathian hnena malsawmna an dawn, Tallent ropui tak tak an neih te pawh kan ngaihtuah sak ngai lova, chawimawi an phu na ah pawh chawimawina chang kan hre lem lo.
Chuvang chuan heng kan unau Vohbik (Rualbanlo) te hi tanpui an ngaihna laia kan tanpui theihnan leh Pathian malsawmna Talent ropui tak an neih te hi kan hlutpui a, an theih zia kan hmuh a, mi dangte aia an nep bik loh zia, entawntlak an nihna laite kan hmuh theih nan leh an mahni siamtu Pathian ropui nan he ZRI Vohbik Got Talent 2023 hi buatsaih a ni, ati.
Lawmman Pakhatna atan hian Rs 1,00,000 leh thuziak a dawng dawn a. Top-10 tan Rs 5,000 leh chawimawina thuziak a ni ang a, tin hei bak ah hian lawmman dawngtute mamawh tur ang thi ldang an hlan tel bawk dawn.
He Show hi Nov 14, 2023 National Childrens day hian Vanapa Hall ah Zaithiam te leh Federation of Mizoram Disable Organisation te nen khuhhawnna hman niin, December 2 thleng a awh anga, Zarkawt YMA Hall ah Grand Finale neih tura ruahman a ni.
.
Post a Comment
He post chungchanga i ngaihdan lo sawi ve rawh: