Rahul Gandhi hovin Aizawl-ah kawng zawh tum

Aizawl | October 15, 2023: Mizoram tlawha rawn zin tur Congress hruaitu Rahul Gandhi hovin naktuk chawhma hian Aizawl-ah kawng zawh an tum.

He kawng zawh hi chawhma dar 11-ah Chanmari aṭanga ṭanin  Raj Bhawan North Gate ah tawp tum a ni.

Raj Bhawan kawtah hian mipui pungkhawm hmaah thu a sawi ang a, tlai lamah zirlaite kawmin a hun a hmang leh dawn nia hriat a ni.

Kawng zawh lai leh kawng zawh hma deuh hian Security thilah lirthei vaivakte tan harsatna a awm loh nan lirtheia eizawngte leh chhuak vak turte tan hriat chi a nih hmel.

Aizawl khawpui a rawn tlawh rual hian Oct 17 chawhma lamah Party hruaitute nen an inkawm ang a,  Lunglei pawh a tlawh dawn niin thu dawn a ni bawk.

Rahul Gandhi hian Bharat Jodo Yatra a kalpui kha Aizawlah pawh a kalpui ve dawn a ni.

India mi pawimawh a ni a, security thilah mipui chhuak vak tan harsatna awm thei a nih vangin kawng zawh hun lai vela harsatna kan tawh loh nana lo inbuatsaih emaw lo inruahman a finthlak hmel.

Rahul hian Oct 17 hian Mizoram a chhuahsan lehnghal dawn niin thu dawn a ni.

*Naktuk Kawngzawh tur chungchanga mipuite hriattirna:*

Pu Rahul Gandhi, Ex-President, Indian National Congress & MP, Lok Sabha chuan naktuk 16.10.2023 hian Mizoram a rawn tlawh dawn a.

A kaihhruaina in naktuk chawhma Dar 11:00 leh chawhnu Dar 1:00 inkar hian Chanmari atanga Raj Bhawan North Gate thleng Padyatra (kea kawngzawh) tum a ni  a. 

Hemi avang Aizawl khawpui Lirthei tlan dan tih danglam a ngaih dawn a. A bikin Aizawl chhim lam pana lirthei a veivak tum ten harsatna kan tawh loh nan kan lo inhmakhua lâwk theih nan hriattirna hi kan chhuah a ni.

Tin heng a hnuaia tarlan kawngahte hian lirthei dah/park hnawk lo turin mipuite kan inngen bawk e:

1. Chanmari atanga Lower Chanmari, Lower Zarkawt leh Israel Point inkar kawng dungah.

2. Treasury Square atanga Sikulpuikawn via Pi Pangi Peng, Upper Republic  kawngpui dungah.

- *Media Cell, Aizawl Traffic Police.*

• • • • • • 

Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ