Thawhhona Thuthlung hi Political Party hrang hrang aiawhte nen tum engemaw zat sawiho hnuah siam a ni a, Political Party President theuhten an hming an ziah hnan a ni bawk a. Heti chunga zah lo taka bawhchhia te chu mipui zah lohnaah kan ngai - MPF

Aizawl | October 20, 2023: Mizoram People's Forum (MPF)  chuan vawiin khan Aizawl Press Club-ah thuthar thehdarhtute kawmin, "Thawhhona Thuthlung hi Political Party hrang hrang aiawhte nen tum engemaw zat sawiho hnuah siam a ni a, Political Party President theuhten an hming an ziah hnan a ni bawk a. Heti chunga zah lo taka bawhchhia te chu mipui zah lohnaah kan ngai. " an ti.

Mizoram State Assembly inthlan, 2023 chu November 7, 2023 a neih turin Election Commission of India (ECI)-in a puang  a ni.

MPF chuan, "Inthlanna thianghlim leh muanawm kan neih theihna turin Mizoram People Forum (MPF) leh Political Party hrang hrangten tum engemaw zat kan sawiho hnuah Thawhhona Thuthlung kan ziak," an ti.

Thawhhona Thuthlung chungchangah leh Inthlanna thianghlim leh muanawm kan neih theihna turin thuchhuah an siam bawk.

1. MPF leh Political Party ten February 28, 2023-ate Thawhhona Thuthlung hi ziah a ni a. Hemi ni atang hian Thuthlung hi hman tan a ni a, amaherawhchu Thuthlung No.2(2) House to House campaign phal loh chungchang erawh chu Election Commission of India (ECG-in Inthlan pun a puan ni (October 9,2023) atanga hman tan a ni thong. Hemi chungchangah hian District Forum, Constituency Forum leh Local Forum te chu House to House Campaign kalpui a nih lohna tura mahni huamchhungah thahnemngai taka hma la turin kan ngen a. Political Party te pawhin House to house Campaign hi kalpui tawh loh tur a ni bawk. 

2. Thawhhona Thuthlung No.3(3)-in a tarlan angin Inthlan puan hnuah chuan Political Party ten Kawngzawh hi phal tawh loh a ni a. Amaherawhchu, tunhnaiah Mizoram hmun thenkhatah Thuthlung bawhchhia a kawngzawh thawm hriat tur a awm ta nual a, a pawi kan ti hie. Political Party-ten kan thuthlung hi zaha kawngzawh huaihawt tawh loh tur a ni. 

3. Thawhhona Thuthlung No. 2(3)-in a tarlan angin Candidate-te hnena mimal leh pawl hminga thil dil hi tih loh tur a ni a, khawtlang huapa Candidate-te intiainna neihtir pawh tih loh tur a ni. Hetiang hi tul lova Candidate-te sum sentirna a nih avangin Ching haute to turin mipuite kan inngen thar leh a ni. 4. Party hrang hrangten Thuthlung No. 3(2) angin veng/khaw tinah Iptepui banna(station) kan siam hlawm a. Heng Iptepui banna (station) atangte hian mipui nawlpui bakah zirlaite leh damlote tana harsatna thlen thei thawm bengchheng leh ninawm khawp siam loh tur a ni. 

5. ECI Model Code of Conduct leh Thawhhona Thuthlung No.2(3) in a phal lop angin mipui hnenah ail chi hrang hrang sem te hi tip lop tur a ni a, T. Shirt sem pawh ti tawh lo twin Candidate te kan ngen a ni.

6. Social Media hrang chungchanga thu bellichian dawl lo thehdarh leh mimal inbeihna uchuak lutuk te hi ti 10 turin mipuite 111.--angah Inthlan  kan ngen a. Hetiang a awm a nih chuan thuneitute hnenah hma la tura thlen a ni ang. {Thuthlung No. 3(4)}

7. Party tinten Manifesto leh candidate te chanchin an sem doh a nih chuan MPF Local Forum te hriatpuina a sem tur a ni ang.

8. Thuthlung No. 2(6) in a tarlan angin veng/khaw tinah Party flag leh banner tar theih zat bituk a ni a. Tunhnaiah Flag tar hi kan uar thar leh niin a lang a, tar theih zat bituk aia tam tar lo turin kan inngen bawk a ni.

9. Thuthlung No.7(2)-in a sawi angin Inthlan puan hnuah chuan Political Party ten Public Meeting/Street Campaign an buatsaih dawn chuan MPF kaihhruaina hnuaiah neih tur a ni a, chutiang ti torte chuan MPF te hriattir zel tun- a ni. 

10. Thawhhona Thuthlung bawhchhiatna a awm nia hriat a nih chuan tote pawhin MPF ah Report / Complaint thehlut turin kan inngen a  ni. 

11. Thawhhona Thuthlung hi Political Party hrang hrang aiawhte nen tum engemaw zat sawiho hnuah siam a ni a, Political Party President theuhten an hming an ziah hnan a ni bawk a. Heti chunga zah lo taka bawhchhia te chu mipui zah lohnaah kan ngai.