Aizawl | October 25, 2023: Mizoram state Assembly inthlanpui atana inbuatsaihna chu ngawrh taka kalpui chhoh a ni a, ruahmanna pawh peihfel thawkhat a ni tawh tih Mizoram Chief Electoral Officer Madhup Vyas an a sawi.
In lama vote thlak ngai, kum 80 chung lam keh vohbik an vaiin mi 2,092 an awm niin a sawi.
CEO hian vawiin khan Aizawl-a thuthar thehdarhtute a kawm a, inthlanpui atana inbuatsaihna chungchang leh thil pawimawh hrang hrang te a hrilh a, Mizoram inthlanpui vote chhiar hun sawn tura rawtna thlen chungchangah Election Commission of India atangin thuthar a la awm loh thu a sawi a ni.
Madhup Vyas chuan, Mizoram pumah voter 8,57,063 an awm thu sawiin, mipa voter 4,13,062 awmin, hmeichhe voter 4,39,026 an awm a, service voter mi 4,975 an awm tih a sawi a, CEO tarlan danin vote thlakna tur Polling Station 1,276 te chu Election Commission Of India hriattir tawh a ni a, vote thlak ni a inthlan buaipui tur polling party 1470, Presiding Officer, First, Second leh Third Polling Officer-te tan District Election Officer-te ruahmanna-in training thawh khatna zawh fel a ni tawh a, training thawh hnihna district thenkhatah kalpui mek a ni bawk.
Tun dinhmunah election model code of conduct khauh taka ken kawh a ni tih sawiin sorkar hmalakna bikah Chief Secretary kaihhruai Model Code of Conduct Committee ten chak tak leh khauh taka hma an lak thu a sawi.
Chief Election Officer tarlan danin, kumin inthlanpui a vote nei zingah, Mizoram chhunga bial 40 atangin in lama vote thlak ngai kum upa leh vohbik, an vaiin mi 2092 an awm a ni.
Inthlan kaihhnawih venhimna chungchang pawh Chief Election Officer chuan sawiin Mizoram Police 3,000 chuang bakah Central Armed Police Forces section 450 rawih tura ruahman atangin BSF Company 10, CRPF Company 5 leh SSB Compang 5 ten Mizoram an rawn thleng tawh a ti a. Inthlan ni atan bik Air Ambulance reserve-ah Pawan Hans Helicopter zing dar 7 :00 atanga tlai dar 4 :00 thleng a duty tur thu a sawi bawk.
Polling Station 1,276 zinga 765 ah vote thlak lai webcasting tih a ni dawn a, hei hi polling station awm zinga 60% a ni.
Vote thlak nia hman theih turin Air Ambulance ruahman a ni a, Pawan Hans Helicopter pakhat Muampui Helipad-ah zing dar 7 aṭanta tlai dar 4 thleng duty tura ruahman a ni.
Mizoram CEO chuan, inthlanna felfai, dik, muanawm, mi tin huaozi leh tel vek theihna hlimawm tak neih a nih theih nan inthlan kaihhnawiha che vel zawng zawngte, a bik takin media mite tawiawmna a ngen a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: