In Culture, in hnam dan, in tawng te kan humhalh sak tlat dawn che u - Rahul Gandhi

 

Aizawl | October 16, 2023: Indian National Congresa hruaitu Rahul Gandhi chuan vawiin chhun khan Aizawl lo thlengin, Chanmari aṭanga Raj Bhawan thleng kawng a zawh.

Raj Bhawan kawtah mipui hmaah thu sawiin, BJP sawrkar hnuaiah Mizo K hnam zia, hnam dan leh  tawng te beihin a awm thu a sawi a, "Keini chuan in Culture te, in hnam dan te, in tawng te kan humhalh sak tlat dawn che u a ni."  a ti.

Rahul Gandhi hian tlai lamah Lalthanhawla Auditorium-ah zirlaite a kawm ang a, naktukah Lunglei a tlawh thung ang.

Rahul Gandhi thusawi tlangpui lak tawi:

Keini chuan mitin te chunga zahna te, ngilneihna te, inngainatna lantir te hi kan tum leh duh ber a ni.

Manipur ka tlawh tuma ka thil hmuh, Manipur-a inunauna an tihchhiat nasat zia chu ka ring theilo zawk hial a, Manipur chu State pakhat an ni tawh lo, State pahnih a inthen ang an ni tawh. Mite chu an inthat mek a, hmeichhia te pawh an zuah lo! Chutih lai chuan kan PM chuan Manipur aiin Israel a vei zawk a nih chu!

National Media te chuan Manipur aiin Middle East a thilthleng an buaipui zawk a, Manipur a thilthleng chu buaipui tlakah an ngai lo a nih chu. Prime Minister in Manipur a tlawh loh chhan hi ka hrethiam thei lo.

Manipur a thilthleng hi buaina lanchuahna a ni, he buaina hi India ram pumah a thleng mek a ni.

India rama Minority te hi an lung a muang lova, Tribal leh Dalit te pawh an hlauthawng mek a ni. Manipur-a inunauna an tichhia mai a nil ova, Manipur chunga India rilru puthmang pawh an tichhia a ni. Keini chuan hnam tin te culture leh tihdanphung te vawnhimsak hi kan tihtur ah kan ngai a ni.

In hnenah hian kum nga kal ta chhunga in sawrkar thiltih dan ka sawi duh a. MNF hian Centralah BJP an thlawp ani tih ka hrilh duh che u a. Drugs nasa takin a hluar mek a, thalai te hmakhua thlengin a tichhe mek a ni. Tunhnaiah thalai 250 zet ten Drugs vangin nunna an chan a. Thalaite hian hna an hmuh loh avangin beidawngin an awm a, Drugs lamah an tlan phah a ani. MNF hian tun kum 5 chhungin hna mi 2000 chiah an siamchhuak thei a, kawngpui leh hmasawnna dang an thawk chhe em em mai a ni!

Congress erawh chuan sawrkar tha tak kan din thin a ni.  Karnataka ah chuan Congress sawrkarin mipuite hamthatna tamtak kan siam mek a, khawvela a tha ber zing ami a ni. Mipuite hamthatna engkim an accounyt ah a lut tawh a, hmeichhiate tan Bus chuan man a awm lova, Loneitute an mamawh ah tanpui an ni mek a ni.

BJP Sawrkarna State ah chuan Gas Cylinder man ni Rs. 1000 chuan a ni a, Congress sawrkarna Rajasthan ah chuan Rs. 500 man chauh a ni.

Congress sawrkarna Chhatisgarh ah chuan loneitu ten an buh chin atangin hlawkna tamtak an dawng a, ram chhunga a thar hlawk ber an ni a. chu chuan an State economy a chawikang mek a ni. Sawrkar chuan sumdawng tenau te tan hma a la mek a, thlanchhuah bik eizawnna kawng te an hawng a, chu chuan hlawhtlinna a thlen mek a ni.

English Medium School 377 lai zirlai rethei te tan an hawn belh a ni.

Chutihlai chuan BJP chuan sumdawng tenau te tan harsatna an siam char char a, GST te hi sumdawng tenaute tan chhiatna a ni a, loneitute tan pawh harsatna a a ni.

Pawisa tihthih te kha kan PM idea atthlak tak vang a ni a, kan economy hian nasa takin a la tuar mek a ni. Engkim mai hi mipakhat hausakna tur a duan a ni a, chu chu Adani a ni.

BJP thuneihna hman dan hi thil zahthlak tak a ni.

Keini tana pawimawh ber chu, in hnam zia, in hnam dan leh in tawng te beiha a awm hi a ni. Keini chuan in Culture te, in hnam dan te, in tawng te kan humhalh sak tlat dawn chu a ni.

I came here to learn from you. I’ll walk with you all and meet more people in NE.