Aizawl | Sept 13, 2023: Young Mizo Association (YMA) rorelna sang ber dawttu, Central Co-Ordinnation Committee (CCC) chuan vawiin Ni 13.9.2023(Nilaini) chawhma dar 10:30 khan rorêl (meeting) vawi 97-na chu Central YMA Hall, Tuikhuahtlangah neih a ni a, Central YMA President, Pu R. Lalngheta'n he meeting hi a kaihruai a ni.
YMA inkhawmpui liana rel tur zingah, Sawrkar khawih, ", "Armed Battalion pakhat tal Mizoram sawrkar-in din belh leh rawh se." tih a tel a.
YMA CEC in hma a lak nghal maina tura dah zingah, "Mizoram leh Tripura inrinna New Kawnpui khuaah hian Check Gate mumal tak Mizoram sawrkar-in a siam thuai theih nan hma lak ni rawh se." leh "Mizoram chhunga Highway kawng zauh hnathawh avanga ram leilung chhiatna nasa tak thleng hi siam that a nih theih nan Mizoram sawrkar-in hma la rawh se." tih te a tel.
Kan hmalawk, Ni 24-26, October, 2023 a, Biatea neih tur YMA Inkhawmpui Lian-a Rorêl palaiten an rel tur, Agenda thlit fim a ni a, Inkhawmpuia chhawpchhuah turin YMA khawih 6 leh Sawrkar khawih 2 leh Chhiatni thatni kaihhruaina ennawn te an dah a. Hemi bakah hian 2023-2023 Budget te pharh a ni bawk.
Sawrkar khawih-ah hian, "Quality Education a awm theih nan sawrkar-in tun aia chak zawkin hma la rawh se." tih leh, "Armed Battalion pakhat tal Mizoram sawrkar-in din belh leh rawh se." tih te chu a tel a ni.
YMA Khawih rel turte:
1. Environment humhalhna kawngah hian Central YMA-in tun aia chak zawkin hma la rawh se.
2. Hmun hrang hranga awm Zofate kan insuihkhawm leh zual theih nan tun aia chak zawkin
Central YMA-in hma la rawh se.
3. Social Audit hi tha zawka kalpui a nih theih nan leh Mipuiin kan hlawkpui theih nan hmalak ni
rawh se.
4. YMA ten sawrkar Department kan thawhho puite hi zirchian a, thawhpui awm chauh thawhpui
tawh nise.
Chhun dar 12:45-ah thingpui in chawlh kan hmang a, chawhnu dar 1:20-ah kan chhunzawm.
5. Environment clearance tello chuan Mizoram chhungah hmasawnna hnathawh a nih tawh loh
nan Central YMA-in hma la rawh se.
6. Tuihna humhalh kawngah YMA-in uar zawk leh nasa zawk a hma lak ni rawh se.
He meeting-ah hian CCC meeting neih hnuhnung ber Ni 12.4.2023 leh tun inkara Central YMA chetvelna leh hmalakna hrang hrangte, rorêl thu bawhzui kawnga hmalaknate Prof. Lalnuntluanga, General Secretary in report a pe a.
CCC ah hian member-te chu Central YMA Office Bearers-te, Central YMA CEC member-te, Sub Hqrs. aiawh mi 6, Group YMA aiawh mi 2 leh khawpui chhung Branch YMA aiawh mi 1 theuhte an ni, vawiin hian member-te an kal tha hle a ni.
.
Post a Comment
He post chungchanga i ngaihdan lo sawi ve rawh: