Lehkhabu Phochhuah Runpui 2023 mipuiin hlut; 'i thu ber lo' hralh hnem ber!

Aizawl | September 15, 2023: Mizo Writers Association buatsaih Lehkhabu Phochhuah Runpui vawi 3na chu Vanapa Hall-ah neih mek a ni a, naktuk hian a tawp dawn.

Lehkhabu Phochhuah Runpui-ah hian Mizo ziaktu hrang hrangte lehkhabu ziah ṭhahnem tak phochhuah a ni a. A lei duhte tan a man tlawm zawkin hralhchhuah a ni.

Lehkhabu Phochhuah Runpui-ah hian Lalhmachhuana Zofa lehkhabu ziahte phochhuah tam ber a ni a, lehkhabu 108 phochhuah a ni. A dawtah hian  Dr Laltluangliana Khiangte in dawtin 44, PL Liandinga 43 leh C Laizawna lehkhabu 40 te chu mi pakhat lehkhabu ziah phochhuah tam zualte an ni.

Sept 11 aṭanga ṭan tawh Lehkhabu phochhuah Runpui-ah hian  I thu ber lo – Dr. C. Lalhrekima, Mizoram Politics Bihchianna - K. Remruatfela, Theih Ni Se - Zosangzuala (Red Wheelchair) leh Mala Malna - Loretta Khawlhring te chu hralh hnem dan indawtin, lehkhabu hralh hnem zual pali an ni.

Lehkhabu lei hnem zawngah chuan, Tv Hnamtinkhuma chuan Thawhlehni khan lehkhabu 29 a lei a, vawiin khan 33 a lei leh a,  a vaiin lehkhabu 62 a lei tawh a ni.

thawhlehnia lehkhabu a lei te.

Lalhmachhuana Zofa ziah 'Mizo Lalte' tih chu he huna lehkhabu manto ber nia hriat a ni a, cheng 1500 man a ni a, cheng 1000 in an zuar thung a. He lehkhabu vêk hi Lehkhabu chhah ber nia hriat a ni bawk a,  Phek 1280 a chhah a ni hem mai.

He hunah hian ṭhalai an kal tam a, lehkhabu leitu tam zual pawh ṭhalai an nia hriat a ni. Ṭhalaite'n an ngaihsan leh an ngainat lehkhabu ziaktute an lehkhabu ziahah ngei hming ziahtir thei turin ziaktute an awm a, an lehkhabua an hming ziahsah tur kotu an tawng awl lova,  ziaktute thlalakpuitu an tam hle bawk.

LEHKHABU HRALH KAL 20

_Heng a hnuaia mite hi Lehkhabu Pho Rûnpui neih meka lehkhabu hralh kal zual 20 (Top 20)  te chu an ni (Till 11 – 15 September, 2023):_

1. I thu ber lo – Dr. C. Lalhrekima

2. Mizoram Politics Bihchianna - K. Remruatfela

3. Theih Ni Se - Zosangzuala (Red Wheelchair)

4. Mala Malna - Loretta Khawlhring

5. Ram Kalsiam - Mahmuaka Chhakchhuak

6. Manipur Rambuai – Tluanga Chhakchhuak

7. Ziakfung Zalen  II - H. Lalawmpuia

8. Pherzawl Titi - L. Keivom

8. Thinlung Tuihna - Tharbawihi Colney

10. Ka lo kir leh ta e – Zosangzuala (Red Wheelchair)

10. Ruam Rai Thuruk - C. Lalnunchanga

12. Nunna Kawng thuampuiah – KC Lalvunga

13. Daidanna Bang Phena Thuruk – Zohmangaihi

14. Hmanlai Mizo kalphung – James Dokhuma

15. Ka rawn fang leh – C. Laizawna

16. Anita – C. Laizawna

17. Lungrualna Tlang - KC Lalvunga

18. Bawktlang Thawnthu - L. Keivom

18. Krismas Drama - Mamawii Colney

20. Dan Thulkhung Sawm 40  – C. Lalfakzuala

*Note:*

_1. Serial number inang te hi chu lehkhabu hralh zat inang tihna a ni._

2. _Lehkhabu hralh list kan chhinchhiah hi Vanapa Hall chhunga hralh chauh a huam a. Tin, lehkhabu bu mal a ni tur bawk a ni._

Sd/-

Organizing Committee

Lehkhabu Pho Runpui

Mizo Writers Association

*LEHKHABU PHO TAM*

_Heng a hnuaia mi te hi 'Lehkhabu Pho Runpui' neih chhunga mimal kutchchhuak lehkhabu pho tam zual Top 10 te chu an ni:_

1. Lalhmachhuana Zofa

2. Prof Laltluangliana Khiangte

3. PL Liandinga

4. C. Laizawna

5. B. Lalthangliana

6. Vanneihtluanga

7. Prof. RL Thanmawia

8. K. Remruatfela

9. James Dokhuma

10. C. Lalkhawliana

Sd/-

Orgazning Committee

Lehkhabu Pho Runpui

Mizo Writers Association