Kuthnathawktuten lei rem an rah theih hunah Mizoram chu thawhchhuah ngah ber state kan ni tawh ang a; India ram state zinga leiba nei tlem ber kan ni bawk ang - BJP President Vanlalhmuaka

Aizawl | September 8, 2023: BJP President Vanlalhmuaka chuan,Kuthnathawktuten lei rem an rah theih hunah Mizoram chu thawhchhuah ngah ber state kan ni tawh ang a; India ram state zinga leiba nei tlem ber kan ni bawk ang," a ti.

BJP Mizoram chuan vawiin 8th September 2023 Friday hian Friday Political Session hun neih niin, Pu Vanupa Zathang IPS (Retd) State Vice President-in inkhawm kaihruaiin, Pu Vanlalhmuaka, State President-in thusawina hun a nei bawk.

Pu Vanlalhmuaka chuan, "Pu Narendra Modi, kan Prime Minister zahawm takin a thusawi; India hian kum 1947 ah Politics a zalenna (Political Freedom) British sorkar lak atangin kan lo hmu tawh a; Retheihna sal ata zalenna, Ei leh bara intodelhna kawnga zalenna (Economic Freedom) erawh chu Politics zalenna kum 70 kan neih hnu pawh hian kan la nei hlei thei lo a. Politics a zalenna champha kum 75-na kan lawmna turah hian Rethiehna sala tang, Ei leh bara intodelhna (Economic Freedom) kan neih theihna turin India ram mihring 75% te tan Pu Modi Sorkar hi kan hlan dawn a ni tiin kan Prime Minister chuan a sawi a. Ni tina kan ei leh in thawkchhuaktute hi loneitute leh kuthnathawktute an ni a. Mihring kan dam khawchhuahna atana kan kaw chhunga lut zawng zawng thawkchhuaktute hi loneitute leh Kuthnathawktute an ni a; hengmite tan hian khawsak nunphungah retheihna bawih ata an talchhuah loh chuan India hian hma a sawn ngai dawn lova. A theih chin chinah Pu Modia sorkar hian DBT hmangin Agriculture and Farmers Welfare Scheme engmeaw zat duang chhuakin, India chu vawiinah hian khawvela Economic Power 5-naah min hlangkai ta a; kum 2028 ah chuan 3-naah kan inhlangkai leh dawn a ni tih hi vawiinah hian kan hriat ka duh hle a ni. Hetianga Economic power-a 5-na kan nih chhoh theihna chhan chu loneitute leh kuthnathawktute kawnghmang neia Pu Modia sorkarin a kaihhruai vang a ni tih hi ka sawi duh a ni. Chumi avang chuan keini Mizoram pawh hi India ram state dangte ruala hmasawnna kawnga ke pen kan duh a nih chuan Mizorama mihring 75% loneitute leh kuthnathawktute tan Pu Modia Framers scheme hrang hrang hrangte a sawiah chauh nilovin, a taka kan hman tangkai a; heng mi 75% dinhmun hi a taka kan chawikan a, Farmers ten lei rem an rah theih hun hunah Mizoram chu thawhchhuah ngah ber state kan lo ni tawh ang a; India ram state zinga leiba nei tlem ber kan ni bawk ang a; BPL awm lohna state ah Mizoram hi kan siam tawh dawn a ni. BJP- Mizoram chuan vawiinah hian chutiang dinhmuna Mizoram hi kan din theihna atan Pu Modi-a sorkar thachakna ringin kan sawrkar huna a taka hman mai theih turin Mizoram mipuite hmaah Agricuture and Farmers Welfare Sector-a kan hmathlir mipuite hmaah kan han sawi chhuak dawn a ni," a ti a.

Pu Hmuaka chuan sawi chhunzawmin, "Pu Modi-a sorkar chuan BJP sorkar, Mizoramah Pathian leh mipuite zara kan sorkar chuan Mizorama mihring 75% Loneitute leh kut hnathawktute tan a hnuaia mi ang hian hma kan la ang a; India ram state zinga thawhchhuah ngah ber; leiba nei tlem ber ; BPL awm lohna state ah kum 5 chhungin kan siam ang tih hi Pu Narendra Modi-a hova kan thil tum a ni," a ti.

AGRICULTURE AND ALLIED INITIATIVES

BJP sorkar Pu Narendra Modi kaihhruai Mizoramah Pathian leh mipuite zara kan sorkar  chuan Mizorama mihring 75% Loneitute leh kut hnathawktute tan a hnuaia mi ang hian hma kan la ang:

Farmer First Policy kalpuiin, kum 5 chhungin loneitute leh kuthnathawktute sum lak luh a let a tihpun a nih theih nan Central leh state atanga tanpuina awm thei zawng zawng hmangin chhawmdawl an ni ang. 

1) Pradhan Mantri Kisan Samman Niddhi Scheme (PM-KISAN) hmangin loneitute'n kum tin Rs. 6,000/- an dawn thin chu Rs.10,000/- a tih pun a ni ang. He PM-KISAN Scheme hian tlangram lo neitute atanga huan leh loneitute zawng zawng kan huam tir ang.

2) PM-KISAN Dawngtute chu Kisan Credit Card (KCC)  pek an ni ang. He KCC hmang hian loneitute chuan an huan leh lo neihte tihchangthlunna atan loan a pung awm lovin  Rs 1 lakh aṭanga Rs 5 lakh thleng an lo neih dana zira an lak  theihna tur ruahmanna siam a ni ang.

3) PM-KISAN dawngtu loneitu  zawng zawngte chu kum 60 an tlin atanga Rs 3.000/- thla tin Pension an lak theihna turin ruahmanna siam a ni ang.

4) Loneitute'n khuarel chhiatna avanga harsatna an tawh venna atan Pradhan Mantri Fasal Bima Yojna Insurance Scheme, huan thlai insurance tihna, hnuaiah ziah luh an ni ang.

5) PM-KISAN dawngtuten dam lohna avanga harsatna an tawhin, India ram chhung an duhna ber damdawi inah  a Free – a  Medical Treatment Rs 5,00,000/- thleng an dawn theihna turin PM AYUSHMAN BHARAT SCHEME ah ziah luh vek an ni ang.

6) One Rural Development Block, One Agriculture/ Horticulture Product hmangin local economy siam that a ni ang a; Hemi atan hian Farmers Producers Organization (FPOs) leh Farmers Co-operative Society awmze neiin Rural Development Block tinah din a ni ang. 

7) Loneitute thlai thar vawn himna tur Solar Cold Storage Chains a tulna apianga hman turin ruahman a ni ang a; loneitute thlai thar zawrh chhuahna tur Agriculture Marketing Complex District khawpui tinah dinin, Cold Storage leh Warehousing- te Agriculture Marketing Complex hnai vaiah Central puihnain din a ni ang.

 

8) Loneitute'n an thlai chawmna tur tui hnianghnar taka an hman tur dahkhawlna a tam thei ang ber siam a ni ang. PM-KUSUM Scheme hnuaiah Solar hmangin Tui Pump chhuahna Loneitute tan siamsak ani ang.

9) Loneitute'n an huan leh lo kalkawng all weather motorable road in Agriculture Link Road hnuaiah kum 5 chhunga sial sak vek an ni ang.

10) Loneitu leh Ranvulhtute'n an thar chhuah (Production) tam zualpui laia  an hralh ṭhat theihnan State pawn atanga lo luh a khat tawk a khap zeuh zeuh a ni ang. 

11) Loneitute  an hlawk  zawk theih  nan  Thlai chin leh Ranvulh kal kawppui  an ni ang (Integrated Farming). Hemi atan hian  Vety,  Agriculture leh Horticulture Department  ṭang kawpin  Programme duan a ni ang. 

12) Loneitute'n an thlai thar India khawpui hrang hranga rang taka hralh tura an phurh thlen theih nan Sorkarin ruahmanna  a  siamsak ang.

13) Loneitute leh thlai leh sa zuar ten an thil zawrh hralh zawh loh bazaar bul mai a an dah that theih nan Solar operated mini cold storage Plant Bazar bulah District Headquarter tin ah din a ni ang.

14) Mizorama Sangha Khawitute'n an sangha man te khawpui market ah him tak leh tlawm taka an thlen theih nan Refrigerated Van POL man chauh chawia an hire theih tur ruahman ani ang. 

15) Integrated Website Loneitute leh Huanneitute tan siam anni ang. Sorkar Scheme hrang hrangte Website ah hian dah ani anga, Sawrkar Tanpuina engpawh dil duhtute tanpuitu tur Officer fel takin a engkawl ang. 

16) Mizoram Kuthnathawktute tanpui tur, an harsatna zawhfiahna tur District Headquater ah Helpdesk/Call Centre siam ani ang. Call hi record vek ani anga, an lungawina tawk a chhana an dawn loh chuan, ziakin Complain/Lungawilohna helpdesk ah an thehlut thei ang.

17) Leilet (WRC) kumtin 10000 Ha loneitute tan siam a ni ang.

18) Terrace (Wet/Dry) kumtin 1800 Ha loneitute tan siam a ni ang.

 19) FPO (Farmer Producer Organisation) te tan Agriculture Infrastructure Funds ruahman sak a ni ang. He Fund atang hian Ice leh Chilling Plant (Vur hmanga thil vawnhimna) siam a ni ang a, tichuan Loneitute tharchhuah man man taka an hralhchhuah theih hun atan an dankhawl thei ang.

20) Loneitu (farmer) te bila hmalak a nih avangin lo neih(agriculture) hmasawnna thlira sawiho turin Special Legislative Assembly session neih thin a ni ang.

21) Loneih (agriculture) hmasawnna chak taka kalpui a nih theih nan leh sum leh pai lam duh thala neih theihna turin a bika sum duan Separate Agriculture Budget siam a ni ang.

Inkhawm ah hian zawhna leh sawi ho na neih nghal a ni bawk.

Issued By IT & Media Department BJP Mizoram Headquarters: Aizawl, Mizoram.