JC Security-in an chungchang social media-a thu thehdarhtu ngaihdam dil turin an phut

Aizawl | September 6, 2023: JC Security chuan rhuchhuan siamin, an chungchang social media-a thu thehdarhtu ngaihdam dil turin an phut.

JC Security chuan, "Tun laia Social Media thenkhata thu thehdarh chiam 'JC SECURITY GUARD & LABOUR SUPPLY AGENCY HNA HI - tih thu hmanga J.C Security sawichhiatna lo lang hi, thu belhchian dawl lo leh rintlak reng reng loh hmanga mipui bum tumna leh dawt hmanga inpuh chhiatna a ni a. Hei hi, kan Agency chuan, pawi kan tiin a thehdarhtu hian, kan Agency hnenah ngaihdam rawn dil ngei tur leh a thu thehdarh hi, thu tlinglo leh belchian dawl lo a nih ngei thu, Thuchhuah siam ngei turin kan phut tlat bawk a ni." tiin thuchhuah an siam.

Thu thehdarhtu hian, "Hah takin, nileng zankhua ten an duty a, zanah pawh mu mumal lo in an duty thina, chuti chung pawn, 8000 te 10000 te an hlawh turah 5000 bak an pe ngai lo a, ei leh in intum phei chuan, 5000 ah Cut an neih leh phei chuan, thlakhat hlawh chu engmah awmzia awm lo." tiin JC Security chungchang hi a sawi a ni.

J.C. Security

THUCHHUAH

Tun laia Social Media thenkhata thu thehdarh chiam 'JC SECURITY GUARD & LABOUR SUPPLY AGENCY HNA HI - tih thu hmanga J.C Security sawichhiatna lo lang hi, thu belhchian dawl lo leh rintlak reng reng loh hmanga mipui bum tumna leh dawt hmanga inpuh chhiatna a ni a. Hei hi, kan Agency chuan, pawi kan tiin a thehdarhtu hian, kan Agency hnenah ngaihdam rawn dil ngei tur leh a thu thehdarh hi, thu tlinglo leh belchian dawl lo a nih ngei thu, Thuchhuah siam ngei turin kan phut tlat bawk a ni.

J.C Security & Labour Supply Agency hi Mizoram chhunga Private Security Agency zing hmasaber leh rintlak ber a ni a. Kan Agency hnuaia thawk tura kan lake reng reng chu, an hlawh zat tur leh thil tul apiangte hriattir hmasak vek thin an ni a. Agency-in Dan kan siam-te pawh zawm ngei tura intiamte chauh chhawr / lak thin a ni bawk. Dan zawm lo / bawhchhiate chu, hrem emaw ban / chawlhtir emaw an ni bawk thin.

Hetianga Agency demna leh sawichhiatna thu thehdarh chiamtu paw hi, Agency dan bawhchhiaa hrem tawk tawh a nih ngei a rinawm. Chuvangin, a thu thehdarh hi, thu tlinglo leh dawta Agency puhchhiatna mai a ni-tih hi min lo hriatsak turin mipui-te kan ngen che u a ni e.

J.C. Security Guard & Labour Supply Agency,

Millennium Centre Aizawl

Thu thehdarh chu:

JC SECURITY & LABOUR SAPPLY AGENCY HNA HI.

I fa te emaw, in unau te emaw, inchhung te hrim hrimin, he hna hi lo thawh ve an tum a nih chuan, hei hi lo chhiar ngei ngei rawh.

He hna hi a thatna lai ka hre hauh lo a.

Chhungkaw chawmna tan phei chuan tlak loh tak a ni.

Mahni pawh an inchawmzo mang lo a ni. Hlawh a tlem bawk si.

An hotute tan chuan hlawk tak a ni a. SECURITY tan erawh awmzia awmlo. Thalaite an chhawr a, hlawk tak anga sawiin an buma, an hlawh tur dik tak ang chiah pe ni se chuan a tha lutuk.

Entirnan-Damdawiina duty, mi pakhat tan hian, damdawiin lam tangin Office lamah 12000 ang vel zel an pe a. Nimahsela, office lam atangin, an hotute chuan, mi pakhat hnenah 5000 te, 7000 te an pe a, mahse, chuti chung pawh chuan, duty te hian ei leh in an intum a, an ei leh in chu an Cut leh thin a ni. Office lama hotute hian, hetianga an hlawhtur hi an ei ruk sak vek zel a ni.

Hah takin, nileng zankhua ten an duty a, zanah pawh mu mumal lo in an duty thina, chuti chung pawn, 8000 te 10000 te an hlawh turah 5000 bak an pe ngai lo a, ei leh in intum phei chuan, 5000 ah Cut an neih leh phei chuan, thlakhat hlawh chu engmah awmzia awm lo.

Tin, damlohna emaw, thihna emaw an chhungteah lo tawk ta thut se, chawlh thut a ngaih pawn an hotute hian mi hriat thiamna an neilo a. Thlakhat lo duty tawh mahse, Enmergency thilah chawlh thut a ngaih pawn, hlawh an pe duhlo a, nangmah thu a bang alawm i nih, hlawh kan pe dawnlo che an ti hmiah zel.

He, JC SECURITY hna hi, hna hahdam emaw tih lai hian hna hahthlak tak a ni a, hmun hla tak takah an tir chhuaka, hlawh 5000 bak an pe ngai chuanglo.

Nithum vel an Traning a, an Traning na a thil eina tur an tia, Traning Free hi 2000 an chawitir thin. Traning chhung hian sawhchiar bak an eitir ngai lo.

An hotute hi, mi thawh hah sa, mi hlawhtur hmangin an khawsa a, an hlawhtur chu an lo eiru ve a, tichuan, Office a thawktute chuan hlawh an nei ve chauh thin a ni.

An chhungteah chhiatna emaw thatna lam pawh awm se, duty na tangin haw ta thut se, an thla khat hlawh chu an pe duh ngai lo a. An duty na hmun tangin an hlawhtur lut mahse, office lam tangin an pe duh ngai lo a ni. Hetiang an hlawhtur hi an hotute hian an ei ru vek zel a.

An hotunu ber, JC SECURITY neitu phei hi chu, hetianga Security te hlawhtur eiru a, mi pawisa ringa hetiang awm thei ni si hian, mi hriat thiamna pakhatmah a nei lo a. Damlohna thila chawl thut pawh, Hriat thiamna pakhatmah a nei ngai lo a, hriat thiam a hnekin a lo hau hrep zel a ni.

He hna hi Sawrkar a ni lo a, Private a ni a, Form man zawng zawng anmahniin an intuma, engkim an khul veka, Stick (Tiang) chhe deuh mai pawh 150 in an khulh tir bawka. Hna tha tak, hahdam tak anga lang si hian, a thatna leh a hlawkna hi a awmlo a. An hotute tan chiah a hlawk a ni.

He hna hi, in chhungte emaw, in thiante emaw, in unaute emaw, i Fapa Fanu te emawin thawh an tum a nih chuan, phal sak duh suh ang che u. Ka sawichhia a ni lo a, sawi mualpho ka tumna pawh a ni hek lo. A hre chiangtu ka ni a, thu dik tak ka sawi zawk a ni.

Lo Forward zel turin ka ngen a che u. I inseng thlawn loh nan. In awih loh leh nangmahni ngeiin in fiah dawn nia.