Aizawl | August, 2023 : Tourism Department chuan kum tina a lo huaihawt thin Thirsakawr hmanga intlansiakna Tour De Hmuifang 2023 buatsaih leh a tum.
Tourism Minister Pu Robert Romawia Royte hovin a pisa ah vawiin khan Pu TC pachhunga, Vice Chairman, Tourism Development Board leh Tourism Department Officers te leh Mizoram Cycling Association hruaitute nen hun hman dan tur rel ho a ni.
Tour De Hmuifang hi September ni 23, 2023 (Inrinni) ah neih tum a ni a, category nga (5) - Elite, Junior, Masters, Road Bike leh Women ah inelna hi siam a ni ang.
Lawmman hi sum faiin pakhatnain Rs. 20,000/-, pahnihnain Rs.15,000/-, pathumnain Rs.10,000/- an dawng ang a, consolation prize mi sawm hnenah Rs.1000/- theuh hlan a ni bawk ang.
Aizawl veng laili atanga flag-off in Hmuifang ah zawh a ni ang a. Mizoram pawn atangin cyclist tam tham tak he inelnaah hian tel tura beisei an ni a, registration hi Mizoram Cycling Association ah heng Ph. No. 9862325060/9612170219/9862846264 ah te hian a tih theih a ni.
Tour De Hmuifang hi kum 2021 atang khan Tourism Department hian Mizoram Cycling Association puihna in a lo huaihawt tawh thin a. Mipui hlut a hlawhin a hlawhtling em avangin kumtin buatsaih a rel ta a ni. Mizoram mipuite a tam thei ang ber tel tura sawm an ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: