Aizawl | AUgust 5, 2023: Mizoram State Commission for Women-in Instagram-a mipat hmeichhiatna hmanglai live chungchangah hma a la.
UAE-a Mizo domestic workers ten harsatna hrang hrang an tawh chungchangah leh tunlaia Mizo hmeichhe saruak / live seks video hluar ta lutuk chungchangah Mizoram State Women Commission chuan hma a la a, Suo moto cognisance la in inquiry a conduct a, chhui chian ngai ngei ani tih a hriat anih avangin, DGP leh Aizawl DC te hnenah lehkha an thehlut.
Mizoram State Commission for Women Chairperson Lallawmchhungi chuan a hnuaia mi ang hian August 3 khan thuchhuah siamin a tarlang.
Mizoram State Commission for Women chuan social media-a seks video darh (viral) thar pakhat a lo hmu bawk a, a lan dan chuan chu seks video chu Mizo hmeichhe pakhat Instagram account hmanga live-a mipa pakhat nena mipat hmeichhiatna hmang lai video a ni a, an duh thu ngeiin an seks hmang lai hi an pholang nia ngaih theih a ni.
An seks hmang lai live-a thlirtu pawh an awm nual tih a hriat theih bawk. Hetiang thil, social media-a hmuh theih tura a awm leh thin hi Mizoram State Commission for Women chuan a ngaimawh takzet a. Tun tuma hetianga mi dang hmuh theih tura ual-au taka video rawn live-tu(te) hi dan anga na taka hremna pek theih ngei niin a/an lang a, Information Technology Act, 2000 pawhin hetiang thil hi khap tlat a ni. Chu vang chuan, hetiang thil tenawm hi a thlen nawn tawh loh nan leh a ti thin te pawhin an sim nghal theih nan tun hnaia thil thleng pawh hi uluk taka chhui zui a, pawikhawihtu chu hremna pek a nih ngei theih nan hma lak ngei a tul tih hriat a ni.
Instagram Account pakhat hmanga seks video viral thar chungchang hi lo chhui chiang tur leh he mi kaihhnawih dan bawhchhiatna awm thei hrang hrangte lo chhui a nih theih nan Mizoram State Commission for Women chuan Director General of Police, Mizoram chu he order hmang hian a beisei nghal bawk a. He order hmang hian FIR register a nih theih nan leh chak taka bawhzui a nih theih nana a tul ang anga hma lo la turin Director General of Police, Mizoram chu beisei a ni a, Mizo hmeichhiate pawh hetiang thil leh a kaihhnawih thleng thin hi tihtawp a nih theih nan mahni inthunun a, fimkhur taka nun hmang theuh turin Mizoram State Commission for Women chuan a beisei a ni.
Mizoram State Commission for Women chuan tun hnai khan Social media hrang hrangah United Arab Emirates-a Mizo hmeichhia, hnathawk (housemaid) a kal te harsatna tawh dan te leh Placement Agency te chungchang a darh nasa hle a, He thil hi Mizoram State Commission for Women chuan a ngai thu tak hle a, ngun taka chhui zui ngai leh vil zui ngai niin a hria. Mizo hmeichhe tam takten sum leh pai hlawk zawka thawhchhuah theihna a nih beiseiin khawvel ram hrang hrangah hnathawk (housemaid) in an kal a, heng an hnathawhte hi social media atanga a lan dan anga a lo him lo emaw, an kal dan leh thawn chhuah an nih danah thil fel lo a lo awm emaw a nih chuan pawikhawihna lian tak, Human trafficking niin ngaih thu tak a ngai hle.
Chu vang chuan, Mizo hmeichhia, khawvel hmun hrang hranga housemaid-a kal mek te chungchangah a tul dan anga rang taka chhui zui ngaite chhui zui tur te,
United Arab Emirates-a thil thleng nia sawi, social media-a lo darh ta chungchang te nen hian lo chhui chiang tur leh he mi kaihhnawih dan bawhchhiatna awm thei hrang hrangte lo chhui turin Mizoram State Commission for Women chuan Director General of Police, Mizoram chu he order hmang hian a beisei a ni.
Tin, Deputy Commissioner, Aizawl District, Mizoram pawh he Suo Moto case kal lai mekah hian Opposite Party No. 6-ah dah thar a ni a, ram danga hnathawk tura Mizo hmeichhiate thawn chhuak thintu, Mizoram hmun hrang hranga Placement Agency awm te hi sawrkar laipui duh dan anga thil kalpui an nih leh nih loh te lo zirchiang a, an dinhmun dik tak hi rang taka lo chhui zui turin Mizoram State Commission for Women chuan Deputy Commissioner, Aizawl District, Mizoram chu a beisei bawk.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: