Aizawl, the 5th August, 2023: Law & Judicial Minister TJ Lalnuntluanga chuan nimin khan Union Minister of State (Independent Charge) Law and Justice Arjun Ram Meghwal chu a chenna In Delhi-ah a kawm a, Mizoram mamawh leh tul hrang hrangte a thlen.
He hunah hian Mizoram Law & Judicial Minister TJ Lalnuntluanga chuan Mizoram chhunga Court infrastructure tih changtlung dan tur chungchang Union Law and Justice Minister a sawipui a. Mizoramin litigation lama hmasawnna nasa tak a neih thu leh Court changtlung tha kan mamawh thu hrilhin, fund awm ang angte pawh Court tih changtlun kawnga State-in bul a tan lai a nih avangin pek tam deuh kan mamawh thu a hrilh bawk.
Union Law and Justice Minister chu Lunglei leh District thar pa 3 tana Court Building sak thuai a nih theih nan fund pe chhuak thuai turin a ngen bawk a. Heng bakah hian TJ Lalnuntluanga chuan Champhai Judicial District Court building sak tur, Guwahati High Court pawhin Court building drawing a pawmpui vek tawh chu sak tan vat a nih theih nan CSS for Development of Infrastructure Facilities for the Judiciary hnuaia fund pe chhuak thuai turin a ngen bawk.
Union Law and Justice Minister Arjun Ram Meghwal chuan Minister TJ Lalnuntluanga thil thlente chu a rang lama lo tihfel a tum tur thu a hrilh a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: