Mizoram sawrkarin central scheme an tihlawhtling lo

Aizawl | August 26, 2023: Union Minister of State for Minority Affairs John Barla chuan, "Mizoram sawrkarin central scheme an tihlawhtling lo," a ti a. "Pu Modi chuan Scheme tha tak Mirethei te tan a buatsaih sak a, chung Scheme tha tak tak chu a taka kan chhawr theihna tur chuan PM Scheme hi a nihna anga hmang thei tur Mizoramah Sorkar a awm a ngai a ni," a ti.

Minister chuan, Mizoram sawrkar chuan central scheme hrang hrangte a nihna ang taka tihlawhtlin a nih loh thu sawiin, Minority te tana duan zirna in, damdawiin, leh sports thlenga hmasawnna atana hman theih tur scheme te hi Mizoram-ah a hlawhtlinna hmuh tur a awm loh thu sawiin, state dangah chuan damdawi in tha tak tak thlenga din a nih thu a sawi bawk.

Vawiin 26th August 2023 inrinni tlai dar 4:00 pm hian BJP State Office Upper Republic Mipui Run ah, Union Minister of State for Minority Affairs John Barla chuan BJP State Office ah BJP Mizoram Member te 2023 inthlan thlirlawkna a neihpui.

Pu John Barla chuan Mizoram Kristian te hian Midang tana rawng kan bawl theih na tur atan leh Mirethei te tana kan luan chhuah theih na tur chuan Mizoram ah hian Pu Modi Scheme hrang hrang vawiin a Mizoram in tam tak kan hman loh atang te hian nasa takin hmasawnna alo luang lut dawn a, sum leh paiah intodelh na kan neih loh chuan Midang tan, Mirethei te tan kan luang chhuak thei dawn lo ani a ti.

Pu John Barla chuan PM Modi a chuan Sabka saath Sabka Vikas tih hi a kalna apiangah a sawi thin a, chutiang chuan Mi zawng zawngin kan chanvo, kan chan ai kan chan theih na turin keini BJP chuan hma kan la dawn a ni. Vawiin ah hian Mahni kut ke a ding duh leh mahni intodelhna kawng zawh tur a hmala duh ten sum kan nei lo thin a, nimahsela Pu Modi chuan chung mite tan chuan Scheme tha tak Mirethei te tan a buatsaih sak a, chung Scheme tha tak tak chu a taka kan chhawr theih na tur chuan PM Scheme hi a nihna anga hmang thei tur Mizoram ah Sorkar a awm angai ani a ti.

Vawiin ah hian Vawk kan vulh duh emaw, Bawng kan vulh duh emaw anih chuan Digital khawvel anih tawh avangin PM Modi chuan chung Scheme hrang hrang te kan hmuh theih nan chuan a hawng vek tawh a, chung Scheme tha tak tak te chu kan hmuh a kan chhawr theih na turin kan phone kal tlang pawhin kan en thei a, chutiang Scheme chu kan hmuh theih na turin nasa taka kan beih a hma kan lak angai a ni, a ti.

PM Scheme hrang hrang te chu Mirethei te, mahni ke a din duh ngawih ngawih ten anih na anga an chhawr theih na tur in keini BJP Mizoram Member te hian hrelo te hnenah kan hrilh angai a, State Sorkar chuan heng PM Scheme hrang hrangte a nihna anga hre thei lo tur leh Mirethei ten chung hamthatna kan dawn theihna tur pawh mipuite hrilh hriat an duh loh bakah, hma an lak sak that duh loh avangin Mi rethei ten nasa takin kan tuar a, State Sorkar hian Mipui hamthatna aiin anmahni hlawkna an ngaihtuah thin avangin mipuite hi kan retheih phah a, chuvangin Kum 2023 ah hian Mizoram mipui te u, mipui te tan a Rawngbawl tak tak duh leh hnathawk tak tak duh, mirethei mahni ke a ding duh te tana hma la thin Party Central a Sorkar mek, BJP hi kan thlang ve tawh dawn lawm ni. Chuvangin Mizoram mipui te u Kumin MLA inthlan lo awm tur ah hian Mirethei te tan a hamthatna hrang hrang neitu, mipui Sorkar BJP ngei hi lo thlang ula Mizoram ah hian hmasawnna atakin kan hmu ngei dawn a ni, a ti bawk.

Pu Barla chuan BJP leh Kristianna chungchang sawiin he tiangthil hi inpuh mawhna mai mai leh dawt hmanga diklo taka min beihna anih avangin BJP chu Kristian na nen a inmil lo anga an sawi hi atak nise, kei Kristian pa ai hian Hindu pa tamtak Minister ah an dah ngei ang. Niamhsela Politics a inbeihna hi chawtak khuk a khuk pui tawh lova keini Kristian State te hian Midang te tana malsawmna tam zawk kan thlen theih nan BJP kan Vote hi apawimawh ani a ti bawk.

Inkhawm hi Pu Vanupa Zathang IPS (Retd) Core Group Member in a kaihruai a, Pu Vanlalhmuaka State President in Union Minister thilpek pe bawk a ni.