Mamit District chhunga kawngpui leh lei chhiate siam that ngiata kawngpui dan titawp

Aizawl | August 26, 2023: Mamit-a lirthei hmanga eizawngtute'n in Ni 21.08.2023 (Thawhtanni) aṭanga Mamit District chhunga kawngpui leh lei (bridge) chhiate thuam/siam that ngiat a NH 44A / 108 kawngpui dan chu sawrkar nen an inrem hnuin vawiin tlai dar 4:50 khan an titawp.

Mizoram sorkar aiawhin Pu Vanlalmuana, Chief Engineer, Highways, PWD; Pu V.Laldinsanga, Addl. DC, Mamit leh President, All Commercial Vehicle Mamit; President, Sub-Headquarter YMA, Mamit ten hming ziakin a hnuai ami ang hian inremna siam a. Hetianga inremna siam anih avang hian kawngpui an dan pawh vawiin, Ni 26.08.2023 (Inrinni) tlai dar 4:50 khan call off a ni.

1) Darlak Bailey Bridge thuam ṭhatna tur NH Div. I in estimate an siam hi August, 2023 chhung ngei hian sorkar-ah thehluh a ni ang a. Estimate hi sanction anih hmain PWD-in bridge part hrang hrang alo neihsa te a la khawm ang a. Phai lama chah ngaite chu estimate sanction a nih veleh a chah nghal bawk ang. Thal tui a tlem a diversion road siam theih anih hunah Bailey Bridge strengthening/dawh ṭhat hna thawh ṭan nghal a ni ang.

2) NH 44A project balance work estimate siam mek hi September thla chawhma chhung ngeia siam zawha sanction turin sorkar laipui ministry (MoRTH)-a thehluh tum a ni ang a. Ministry in a sanction ve leh tender chhuah a, a thawktu tur thlan fel tur a ni ang.

3) Darlak - Tuidam concrete pavement-a motor tlan dan tur ruahmanna siam turin he mi lama thuneitute ngen a ni ang.

4) Mamit - Bairabi kawng hi motor awlsam zawk a kal theihnan August, 2023 thla chhung hian a chhe zual lai repair hna thawh ṭan a ni ang.

5) Dampui kawng lei min kumhlun lai hi motor tlan theih turin a tul anga thenfai a ni ang.

Hetianga inremna siam anih avang hian vawiin, Ni 26.08.2023 (Inrinni) tlai dar 4:50 khan call off a ni.

• • • • • • 

Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ