Aizawl | August 19, 2023: Lunglei aṭangin mipui ngaihven tak ni tur, Mizo film thar kalphung danglam deuh 'horror/comedy' lam hawi en tur kan hmu dawn ta!
Tun hma deuha Lunglei lam chhuak film tha tak tak; Mission, House No 109, Cabin te lo buaipui tawh tute zing ami Johan Lalhmunmawia (JC Motion Pictures) siam 'Kaphranga Fatlum Awitea - THE GHOST HUNTER' chu August 25 hian Saikuti Hall, Lunglei -ah premiere/release tum a ni a. Hemi rual hian Lersia Play-ah lei theiha chhawpchhuah a ni zui nghal bawk dawn a ni.
He film-ah hian tunhnaia Mizo film hriat hlawh tak 'Ka U Liana' film-a changtunu ber Esther Hadasi Ralte, 'Where' film atanga mi hriat hlawh Elvis Ngurchungnunga bakah Youtube lama mi lawm hlawh tak Lalrozuala Chawngthu te chu a changtu langsar an ni a.
Anni bakah hian Zoram mipui hmelhriat lâr Mastea, RSP leh K. Vanlalawmpuia (Zabilha) te pawh an inlan dawn a ni.
Thlahrang leh fiamthu inchawhpawlh karah hian Kohhran leh ram kalphung pawimawh tak tak tarlan tel a ni a, thla 10 zen zawn shooting na'n hian hun hman a ni.
Script hi Lalhlimpuia Pachuau ziah niin, Asst. Director hi David Zawma a ni a, Mawitea Chhangte leh Johan Pautu te chu director of photography an ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: