Aizawl | August 31, 2023: Leitllang Pictures kutchhuak, Mizote'n zalenna an sual lai behchhana siam 'AMBUSH - A War Story' film chu October thla hian tihchhuah hman beisei a ni.
'Ambush' hi indo film niin, a taka thil thleng behchhana siam niin, Mizo Independence Movement 1966 behchhana siam a ni.
He film-ah hian Vairengte daia inkah laia a live vanga hriat hlawh Gilbert Colney, Sangtea Chhangte, Marilyn Chhanchhani leh Sena Ngente te'n role pawimawh an chang dawn a. Heng bakah hian, Nunna Thar star zing ami kan hmu dawn a, Mister India Mizoram 2019 Jonathan Thangeo a inlan a, film lama sulhnu sawi tur ngah tak Eddie Tochhawng kan hmu dawn bawk a ni.
Marilyn Chhanchhani hi filma a vawikhat inlanna a ni a, he film hi a nun her danglam bawihtu a ni dawn nge dawn lo chu amaha theihna awm atangin a la hriat ang.
He film hi Leitlang Pictures kutchhuak niin, Mapuia Chongthu Director a ni a, a thawnthu hi Dr Zarzosanga ziah niin, Screenplay hi 'Ramri' film hlawhtling taka lo siam tawhtu Nuna Hrahsel ziah a ni thung.
Cinematographer-te hi Isaac Lalchhanpuia, Nicholas Remruatpuia leh Mapuia Chongthu niin, Sound Recordist hi Mesa Varte a ni. Maukeup Artist hi Duss niin, Background Scores hi Kima chhangte, Gaffers - Makima Chawngthu, Benjamin Ramdinsanga leh Maena Varte te an ni a, Editing hi Isaac Lalchhanpuia, Nicholas Remruatpuia leh Mapuia Chongthu te vekin an khawih a, Production Manager hi Saiteii Sailo niin, Location Manager hi remruat Colney a ni thung.
He film hi Serchhip, Thenzawl leh Lunglei-ah an chang a, an shoot hma hian hmuifang-ah hun eng emaw chenin an inzir hlawm a ni.
'Ambush' film hi Serchhip leh Thenzawl velah an shoot mek a, Mizo Film industry a sulhnu ngah tak tak leh mi thar kan hmu nual dawn a ni.
Shooting neih lai thlalak thenkhat:
...
Post a Comment
He post chungchanga i ngaihdan lo sawi ve rawh: