.jpg)
Aizawl | August 18, 2023: Mizo thalaite'n entertainment khawvelah khawchhak lam boy band hrang hrangte an ât chilh mêk laiin Mizo tlangval rualin hla thar an rawn chhawp chhuak ta rup mai le.
TUTE NGE?
An group hmingah 'KoneK' rawn sain an inthlunzawmna leh an thawhhona a that hmel khawp mai a. KoneK line up ah hian member pali awmin an hming chu (an stage name dah zawk mai ila) - Jay Lynn, Kim, Tokyo leh Keo te an ni.
KoneK member te hi rimawi khawvelah mi thar hlak ni mah se Mizo thalai social media khawvelah chuan an mikhual lutuk lo. An thlalak leh video tawi tê tê te hi rimawi khawvela an rawn zuan luh hma pawhin tleirawlte buaipui tham a lo tling tawh viau a ni.
AN HLA
KoneK in an hla hmasa ber atana an rawn chhawp chhuah hi 'Kar Hla' tih Johntea phuah a ni a. A hla thupui atang chuan a hawi zawng tur rin ruat a harsa lutuk awm lo ve. Kar hlaa lengte inkar pho chhuahna lam hla a ni ber.
MI PUI LAMAH
Thil chiang sa leh rin lawk theih chu hmeichhe lamah an tla na dawn tih hi a ni a, an tla na rêng bawk. Mipui lawm an hlawh viau a ni âwm e, darkar khat lek chhungin YouTube lamah entu an thahnem hman hle.
Chu mai bakah anmahni duhtu tleirawlte'n hma an la chak hle nia hriat a ni. Whatsapp lamah fan group te siamin instagram lamah fan page te pawh siamin KoneK hming changchawiin fans te'n 'KoneKtions' tih hming hial an lo inphuah hman a ni.
KoneK te hla 'Kar Hla' hi Youtube-ah dah a ni a, ngaihthlak a hlawh chho viau dawn niin a lang
- Johnte Parmawi
.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: