MC-ah World Photography Day pual Photo Art Exhibition buatsaih

Aizawl | August 17, 2023: World Photography Day Kum 184- na pualin vawiin khan Mizoram Shool of Photography leh Photography Club of Mizoram te buatsaihin Millennium Center Atrium-ah Photo Art Exhibition Vawi 7 –na neih a ni.

He Photo Exhibition hian ni thum chhung awh tur niin, August ni 19 ah khar a ni ang.

Exhibition Chairman Pu Malsawmtluanga, MSP & PCOM dintu chuan report pein he Photo Exhibition hi a duh apiang tana tel theih niin Colour leh Monochrome Sectionah thenin mi 79 aṭanga Thlalak 332 lut aṭangin phochhuahin Thlalak tha zual 70 thlan leh a ni.

Lawmman hi August Ni 19, World Photography Day ah sem a ni dawn a. Colour leh Monochrome a pakhatna te hi National Contest -ah an tel nghal dawn a ni.

Rajya Sabha MP K Vanlalvena chu khuallian niin, World Photography Day Kum 184 na puala Mizorama hman a ni chu lawm awm a tih thu a sawi a, Photography tangkaina te sawiin Document pawimawh a nih dan te a sawi a, thu a sawi mai a fiah tawk loh chang a finfiahna a tan te a tangkai a ni a ti.

K Vena chuan, Thlalak leh mihring nun hi tunah chuan a inzawm tlat tawh a, chu mai bakah mi tam takin eizawn nan an hmang tiin, Eizawnna tling leh tlak a nih zia te a sawi bawk.

World Photography Day pual hian thawhtanni Ni 14, 2023 khan Civil Hospital ah Blood Donation an lo nei tawh bawk a ni.

Exhibition chhung hian thlalak te hi man tlawm zawka lei theih in a awm dawn a, thlalak print chi hrang hrang en theih a phochhuah tel a ni bawk.

He Exhibition a thlalak Print leh lawman te hi PRINTLINE Photo Lab ten an tum a, ZONET chu Media Partner an ni bawk.

Mizoram School of Photography hi kum 2017 khan din niin National Academy of Photography, Kolkata Recognized a ni a, MSP atanga chhuak te hian Photography Club Of Mizoram (PCOM) dinin, he Photography Club hi Federation Of Indian Photography (FIP) hnuaiah an in Affiliate a ni.

MSP atanga zirchhuak mi 100 dawnin Photography hi eizawnnan an hmang tawh a, ram chhung leh ram pawn thleng pawh a Photography hi eizawn nana hmang an awm a ni.