MANIPUR | Rayburn College result a chiri; Manipur University hnuaiah Zirlai pass zat inthlak!

Aizawl | August 22, 2023: Manipur University hnuaia Rayburn College zirlai Undergraduate exam te result social media-a August 21, 2023-a darh chungchangah Rayburn College, Churachanpur, Manipur Principal Rev Dr Khen P Tombing chuan thuchhuah siamin a sawi fiah.

Rayburn College-ah hian BA Psychology zirlai 76 an awm a, 10 chiah an pass. Zirlaite chuan an result hi pawm lovin Comptroller of Examination, MU hnena complaint an neih hnuah result hi darkar hnih hnuah update niin, Manipur University hnuaiah Zirlai pass zat inthlakin, Rayburn College atanga zirlai 41 an pass leh a ni. Mahse, marksheet hi download theih tura dah a la ni lo thung.

Rayburn College Principal thuchhuah ang chuan;

• Rayburn College atanga 5th Semester Examination, 2022 result chhuaka Department of Psychology-ah zirlai 76 atangin zirlai 10 chiahin an subject an clear tih hi a dik.

• Rayburn College zirlai engemaw zat, 2nd leh 4th Semester Eaxmination 2022-ah khan subject hrang hrang-ah 'zero/no marks' pek an nih thu tarlan hi a dik.

• 5th Semester Examination 2022 result chhuaka Psychology zirlai 10-in an paltlang tih leh Mi panga ten 4th Semester Examination, 2022 Zoology-a pass te Meitei vek anga tarlan hi a dik lo a, heng pass te hi Zo ethnic te an ni.

Manipur atanga thudawnnain a tarlan danin, Rayburn College Zirlaite hian an marksheet hmasa hi an download hman a, tunah hian an marksheet thar tur hi download turin an nghak mek niin thu dawn a ni.

BA Psychology final result hi Manipur state-ah hian an neih vawikhatna a ni a, New Lamka-a Rayburn College hi he subject nei awmchhun a ni. 

Rayburn College thuneitute chuan, result chungchang hi Zirlaite hmakhaw ngai chungin a rang thei ang bera he thil hi tichiang a, tifel turin MU thuneitute an ngen.

Scan Here to Donate!

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ