Khawzawl | August 22, 2023: Champhai District Transport Officer, Dr. Manesia Khameichho chuan a hnuaia mi ang hian mipuite hriattirna thu pawimawh a chhuah.
Mipuite hriattur leh zawm ngei turin hriattirna hi chhuah a ni. Road accident thleng tamber hi rui chunga motor khalh vang a ni a. Heng tiang hi a lo tlem nan, tupawh traffic dan an zawm ngei tur a ni a.
Section 185 of the Motor Vehicles Act, 1988, in a sawi angin India ramah rui chunga motor khalh hi dan pawisak lohna a ni a. Dan in a phut angin rui chunga motor khal mante chu thla ruk lungin a tan leh Rs 10000 chawi tur a ni a. He dan hmanga hrem tawh kumthum chhunga man nawn leh a nih chuan kumhnih thleng lungin tan leh Rs 15000 thleng chawitir theih a ni.
Chubakah driving licence man sak te chu thla thum chhung hrensak theih an ni.
Private leh commercial lirthei zingah motor ni lei chhawng si, hming thlak loh eng emaw zat an awm mek a. Hengte hian online-a special permit lak chungchangah leh thil dangah harsatna an tawk mek a. Chuvangin lirthei neitu ten anmahni hming ngei a an lirtheite an kawl theihna atan passenger phur chi lirtheite tan transfer of permit phal a ni a. Lirthei register na District Transport Office kal tlang zel a submit in, MVI Inspection Report a awm ngei tur a ni.
Tin, document kim taka submit a tul bakah tax/fee te, hypothecation te a clear vek tur a nin, pollution pawh a nung (valid) ngei tur a ni.
Sorkar notification No.D.21016/2/11-TRP dt. 20/4/2011 angin driving licence leh registration certificate te chu smart card a leh vek tur tih a ni a. Tun thlengin smart card a la leh loh leh smart card a chip awm lo hmuh tur a la awm a, hetiang la kawl chuan DTO office, Champhaiah a rang lam a smart card a let vek turn mipuite kan hriattir thar leh a. Smart card a la leh loh hi MV Act Section 179 hmang a hrem theih an ni.
Motor neitute (Auto rickshaw leh sumo) mahni route nilo emergency thil ah emaw special case a tlan duh te chuan mahni in he mi link vahan.parivahan.gov.in/onlinepermit/vahan/loginpage.xhtml?data=ai9ujHvQ+u0CY VThU/SOkO ah hian siamtur a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: