Aizawl | August 6, 2023: Zote Honda chuan August 4, 2023 (Zirtawpni) khan Honda Dio 125 model thar an tlangzarh ta. Launch event hi Hyve Aizawl City Hall, Tuikual South-ah buatsaih a ni a, Angelina Paul chuan a host. Motorcycle hrechiang leh tawn hriat ngah tak Honda product khalh lai mek, Muantea Infobikes chuan product presentation a nei a, Honda Dio 125 model thar chu tun lai thiamna sang tak hmanga thuam a nih thu a sawi.
Tual Upa James Lalrinawma chuan hunserh hmangin, Zote Honda neitu Zorammawia Tochhawng chuan inlawmna thu a sawi. Honda Club OB ten a khuhhawnna an nei a, zai ngaihthlak a ni bawk.
Honda Motorcycle & Scooter India (HMSI) chuan Dio 125cc scooter hi July 13, 2023 khan India ramah an lo tlangzarh tawh a, Mizoramah pawh mipui lei theih tura khuhhawn a ni ve ta a ni.
Specification:
Honda Dio 125cc model thar hi chi hnihah then niin, Standard leh Smart te duhthlan tur a awm. Standard hi Rs. 83,400 (ex-showroom) man a nih laiin, Smart erawh a to hret a Rs. 91,300 (ex-showroom) man a ni. Honda Dio 125 hi scooter man tlawm, tha bawk si duh tan chuan hmaih phal chi a ni lo.
Honda Dio 125-ah hian thil thar hmuh tur a awm nual a, chung zingah chuan LED headlamp pawh a tel. Single-cylinder, air-cooled, fuel-injected engine niin, smart key, digital meter, 171 mm ground clearance, 12-inch front wheel, 2-lid fuel opening system, combi braking leh thil thar dang pawh a la awm nual.
Dio 125 hi 8.3hp/10.4Nm niin, telescopic fork/monoshock set-up thlap a nih bakah ground clearance tha tak a ni. A ke hma hi disc brake niin, a brake hi Combi-Break System (CBS) hmanga thuam a ni.
Rawng chi hrang pasarih - Pearl Siren Blue, Pearl Deep Ground Gray, Pearl Night Star Black, Mat Marvel Blue Metallic, Mat Axis Gray Metallic, Mat Sangria Red Metallic leh Sports Red te duhthlan tur a awm a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: