Aizawl | August 6, 2023: Union Home Minister Amit Shah chuan August 5 (Inrinni) khan Manipura Indigenous Tribal Leaders' Forum (ITLF) hruaitute chu Delhi-ah inbiakna neihpui a duh thu hriattirin, he thu ngaihtuah hian ITLF hruaitute chu nilengin an ṭhukhawm nghal a. Mizoram Chief Minister Zoramthanga thurawn an lak hnuah August 07, 2023 (Thawhṭanni)-a Union Home Minister Amit Shah nena inbiakna neih an remti ta a ni.
Manipura Zofa Hnam Hruaitute (ITLF) hian Union Home Minister-in a sawmna chungchangah Zoramthanga, Mizoram Chief Minister chu rawn hmasa lehin, "Home Minister meuhin a rawn sawm che u chuan kal ngei a ṭha e, kal loh ngawt chu a ṭha lovang; hmaichhanah ngei engkim sawipuina hun ṭha tak a ni," tiin Chief Minister hian thurawn a lo pe a ni.
Chief Minister thurawn angin ITLF Hruaitute chuan Union Home Minister Amit Shah chu hmuh an remti a. August 07, 2023 (Thawhṭanni) hian Delhi-ah inbiakna an nei dawn ta a ni. ITLF hruaitute hian vawiin hian Manipur chhuahsanin Delhi an pan hman beisei a ni.
CM Zoramthanga chuan, "Union Home Minister Pu Amit Shah hova Indigenous Tribal Leaders' Forum hruaitu te'n inbiakna an nei thei tur hi lawmawm ka ti tak zet a. Boruak muanawm tak hnuaiah inbiakna ṭha tak an neih ngei pawh ka beisei tlat a, duhsakna sang ber ka hlan bawk a ni." tiin a Instagram account-ah post a siam.
Hemi chungchang hi CM Zorama chuan Instagram-ah post siamin hetiang hian a tarlang:
Union Home Minister Pu Amit Shah chuan August ni 5, 2023 khan Manipura Indigenous Tribal Leaders' Forum (ITLF) hruaitute chu Delhi-ah inbiakna neihpui a duh thu hriattirin ITLF hruaitute pawh nilengin an ṭhukhawm zui a. Hemi chungchangah hian ITLF Hruaitute pawhin min rawn be rawn a. "Home Minister meuhin a rawn sawm che u chuan kal ngei a ṭha e, kal loh ngawt chu a ṭha lovang; hmaichhana engkim sawipuina hun ṭha tak a ni ang," tiin thurawn ka lo pe a ni.
ITLF Hruaitute pawhin Union Home Minister Pu Amit Shah hova meeting neih chu an remti a. Kar thar August ni 7, 2023 (Thawhṭanni) hian Delhi-ah inbiakna chu neih tum a ni ta a ni. ITLF hruaitute hian vawiin Pathianni (August ni 6, 2023) hian Manipur chhuahsanin Delhi an pan ang.
Union Home Minister Pu Amit Shah hova Indigenous Tribal Leaders' Forum hruaitu te'n inbiakna an nei thei tur hi lawmawm ka ti tak zet a. Boruak muanawm tak hnuaiah inbiakna ṭha tak an neih ngei pawh ka beisei tlat a, duhsakna sang ber ka hlan bawk a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: