Vairengte College hawn a ni ta; Bialtu MLA RSa Ralte-in Dec thlenga thawktute hlawh tur pe nghal!

Aizawl | July 8, 2023: Vairengte mipuite'n an nghahhlelh em em Vairengte College chu nimin khan 6th Serlui MLA Pu Lalrinsanga Ralte-in a hawng.

Hawnna inkhawmah hian 6th Serlui bialtu MLA Pu Lalrinsanga Ralte chuan College-a thawktute kumin chhung (July-December) a an hlawh tur a pe nghal a. Pathian leh mipuite zara MLA a a tling leh anih chuan kum tin cheng Nuai 10 - 20 inkar bakah, mamawh dan a zirin chu aia tam pawh Vairengte College hmasawnna atan chuan kan dah zar zar zel ang, a ti.

Serlui Bialtu MLA chaun, Vairengte College hawn a nih theihna atana hma laa theihtawp chhuah tu Joint VC te, All NGO leh Vairengte College Governing Body te leh khawtlang mipuite inpekna chu fakin an hmalakna leh tanrualna chu chhuanawm a tih hle a, kan tanrual zel pawh a ngai a ni, a ti a. Vairengte College chu Vairengte mai bakah an khaw thenawm te tan pawha tangkai leh zirnaa hmasawnna thlen tir tu a nih ngei a beisei thu a sawi, tiin thuchhuahin a tarlang.

Vairengte College ah hian Principal atan Govt. Saitual College Principal pension ta Dr.Lalsiamhnuna chu hman a ni, Teaching Faculty atan mi paruk (6) leh LDC atan mi pakhat (1) lak fel an ni tawh a. Admission ti hi mi 19 an awm tawh bawk a ni.

Tlaiah College thar lawmna ruai, bialtu MLA in a buatsaih chu College hawnna a kal te hian ruai an theh vek bawk a ni.

Vairengte College hi tlai lama kal pui phawt tur niin, Subject paruk - Education, Economics, History, English, Mizo leh Political Science te a zir theih a, Vairengte VC-II chuan College building sakna tur ram a pe a, building an sak zawh hma chuan Vairengte High School-ah zirna kalpui a ni ang. 

Scan Here to Donate!

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ