Aizawl | July 8, 2023: Government Mizoram Law College Building an sak mêk hna chhia leh muang lutuk-ah Students Bar Council an lungawi loh thu thuchhuah siamin an tarlang.
Rashtriya Uchatar Shiksha Abhiyan (RUSA) 2.0 Component 9: Infrastructure Grants to Colleges hnuaia kan allocated fund hmuh Rs. 1,70,00,000/- hmanga sorkarin duhsak taka Restricted Tender hmanga contract a pêk Sky Ridge Construction & Consultancy Services-in Government Mizoram Law College Building an sak mêk hna chhia leh muang lutuk hi Student Bar Council (SBC), Government Mizoram Law College chuan lungâwithlâk loh a ti a. Vawi tam tak sorkar leh contractor-te kan lo dâwr tawh a. Amaherawhchu, vawiin thlengin hmasâwnna leh hlawhtlinna a la awm lo a ni.
Student Bar Council (SBC) in thuchhuah a siam a, thu tarlante:
1. Government Mizoram Law College (GMLC) building hi Work Order chhuah ni 4th May, 2020 aṭanga chhiar ṭanin thla 20 (i.e., 4th January, 2022) chhûnga sak zawh tura tih chu vawiin kum 3, thla 2 leh ni 4 zet a ral tawh hnu pawh hian 50% tal pawh thawh zawh a la ni lo a ni.
2. Student Bar Council (SBC) chuan kumin ni 27th February, 2023 (Thu) khan Aizawl Press Club-ah thu thar la khâwmtute nen Press Conference kan lo nei tawh a, sorkar-a kan thil phût leh duh te kan lo sawi tawh a ni.
3. Rashtriya Uchatar Shiksha Abhiyan (RUSA), Higher & Technical Education Department-in duhsak taka Restricted Tender hmanga Contract an pêk Sky Ridge Construction & Consultancy Services Chairman Lalruatsanga (Hualngohmun) leh an Managing Director Benjamin L. Tochhawng (7th Day tlâng, Vaivakawn, Aizawl) te hian chhuanlam ho tê tê hmangin an hna thawh tih khawmuan leh thawh loh dân an zawng zêl niin kan hria.
4. RUSA lamin Sky Ridge Construction & Consultancy Services-te hnena sum Rs. 1,17,96,000/- zet an release sak tawh hnuah pawh an mi chhawrte hi hlawh an pe ṭha duh lo a; chu chu hna thawh khaihlak fo chhan niin SBC chuan kan hria a. Hei hi Deed of Agreement Point No. 16 (Force Majeure Event)-a sorkar nen an inremna angin chhuanlam tling lo a ni.
5. Sky Ridge Construction & Consultancy Services-te hian Rashtriya Uchatar Shiksha Abhiyan (RUSA) 2.0 Component 9: Infrastructure Grants to Colleges hnuaia construction hna 35 awmah hian hna 15 zet Restricted Tender hmang vekin an thawk a ni. He’ng College hrang hranga an hna thawh te pawh hi chhia leh lungâwithlâk loh tak tak niin college hrang hranga zirlâi hruaitute’n an sawi Kan College building sakna atân hian Cement (Black Tiger) thi tawh te chu chhut dip tîrin an hmang leh niin an hna thawk te’n an sawi bawk a; hei hi zirlâite himna atân a hlauhawm thei hle dâwn niin Student Bar Council chuan a hria.
7. June ni 6 aṭang khân hna thawh chhunzawm a la ni lo leh char char a; RUSA, Higher & Technical Education Department lam pawhin ni 28th June, 2023 khan 3rd July, 2023 hma ngêia hna thawk chhunzawm turin a hriattir (Letter No.B 130/18/5/2014/GMLC/SPD(RUSA2.0) a. Vawiin thlengin hna thawh ṭan erawh a la ni lo.
8. Hetiang taka hna muang, chhia leh lungawithlâk loha thawktu Sky Ridge Construction & Consultancy Services lakah hian Student Bar Council chu a lâwm lo hle a; RUSA lam aṭanga hna thawk lo viltu tur Engineer-in a rawn enpui ngâi meuh lo pawh hi eng nge a chhan hriat kan duh a ni.
9. Vawiin thlenga kan College Building sak zawh a la nih loh avângin Student Bar Council chuan ni 27th February, 2023 (Thu)-a kan Press Statement-a kan lo ziah tawh angin hmâ a la dâwn a ni.
10. Student Bar Council chuan Sky Ridge Construction & Consultancy Services-te hi Legal Notice pe-in khing turin a inbuatsaih nghâl ang.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: